Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Merki aýdanynda medıtsınalyq kolledj ashyldy

2019 jyldyń 13 qyrkúıek 2019 17:12

MERKІ. QazAqparat – Merki aýdanynda jańa oqý jylynda Jambyl oblystyq medıtsınalyq kolledj óz jumysyn bastady. Atalmysh oqý ordasy Almatydaǵy medıtsınalyq kolledjdiń bir korpýsy sanalady, dep habarlaıdy QazAqparat tilshisi.

Kolledj dırektorynyń orynbasary Nazıra Kerimqulova bilim ordasynyń materıaldyq-tehnıkalyq bazasymen tanystyryp, tynys-tirshigin baıandady.

«Almaty medıtsınalyq kolledji kóp jyldardan beri jumys isteıtini belgili. Osydan bir jyl buryn Shý qalasynda kolledjdiń fılıaly ashylǵan edi. Endi mine osy kolledjdiń Merki aýdanynda korpýsy ashylyp, jańa oqý jylynda 200 bilimgerdi qabyldap otyr. Aýdandaǵy medıtsınalyq kolledj úsh baǵytta stýdentterge bilim berýde. Olar: farmatsııa, emdeý isi, medbıkelik is. «Farmatsııa» bólimin bitirgen azamat kez kelgen dárihanaǵa farmatsevt, farmatsevtıkalyq kompanııa ókili, marketolog qyzmetine jumysqa tura alady»,-deıdi Nazıra Kerimqulova.




Sondaı-aq, «Emdeý isin» bitirgen túlekter feldsher mamandyǵyn alyp shyǵyp, emhanalarda, ambýlatorııada óz betinshe qabyldap, emdeý jáne tekserý josparyn taǵaıyndap, profılaktıkalyq sharalardy iske asyra alady. Al, «Medbıkelik is» bólimin bitirgen stýdentter dárigerlik protsesterdiń barlyq qyr-syryn meńgerip shyǵady. Kolledjden soń biliktiligi men bilimin joǵary oqý ornynda shyńdap, jalǵastyrýǵa múmkindik alady.




«Bul kolledjde oqyǵan balalarǵa áskerı bılet beriledi. Kolledjge 9-synyptan soń kelgen bala úsh jyl on aı oqıdy. Al 11-synyptan soń kelgen oqýshy eki jyl on aı boıy bilim nárimen sýsyndaıdy. Sonymen qatar, munda medıtsınalyq bilim alýǵa nıet bildirgen 55 jasqa deıingi azamattardyń keshki topta bilim alýyna jaǵdaı jasalǵan. Bilimgerlerge biliktilik sanaty joǵary, eńbek ótili 10-20 jyl bolǵan ustazdar dáris beredi»,-deıdi N.Kerimqulova.




Joǵary qaraı