Aýa raıy
Astana 16 °S
Almaty 13 °S
valıýta baǵamy
USD 386.91
EUR 428.81
RUB 5.79
CNY 54.79

Meıramhanaǵa tikushaqpen kelgen ushqysh qyzmetinen shettetildi- komıtet

2019 jyldyń 18 shilde 2019 14:39 587

NUR-SULTAN. QazAqparat – Jas jubaılardy tikushaqtan meıramhana aldyna túsirgen ushqysh qyzmetinen shettetildi, dep habarlaıdy QazAqparat.

QR Azamattyq avıatsııa komıtetiniń aqparatyna qaraǵanda, oqıǵa shamamen Shý qalasynda bolǵan.

«2019 jyldyń 15 shildesinde birqatar BAQ-ta № UP-RB006 tirkeý nómirli R-44 tikushaǵyn qondyrý sáti beınelengen vıdeo jarııalandy. «Falcon Avia» JShS-ne tıesili tikushaq eldi meken aýmaǵynda (shamamen Shý qalasy) qonǵan. Osylaısha, QR Investıtsııalar jáne damý mınıstriniń mindetin atqarýshynyń 2017 jylǵy 28 shildedegi № 509 buıryǵymen bekitilgen azamattyq avıatsııada ushý qaǵıdalarynyń 423-tarmaǵynyń erejesi buzylǵan», - delingen azamattyq avıatsııa komıtetiniń málimetinde.

Atalǵan oqıǵa boıynsha QR Azamattyq avıatsııa komıteti eldi meken aýmaǵyna qonýǵa jol bergen ushqysh A. V. Matvıenkony ushýdan shettetti. Sondaı-aq, «Falcon Avia» JShS-niń ushý protsesterin uıymdastyrý jumystaryn tekserý úshin ınspektsııalyq komıssııa jiberilgen.

Aıta ketsek, áleýmettik jelilerde jas jubaılardyń úılený toıyna tikushaqpen kelgen vıdeosy taraǵan bolatyn.

Joǵary qaraı