Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Mınıstr: Qazaqstandyq oqýshylar bilimderin qoldana almaıdy

2019 jyldyń 17 qyrkúıek 2019 14:15

NUR-SULTAN. QazAqparat – PISA nátıjeleri oqýshylardyń fýnktsıonaldyq saýattylyǵynyń tómendigin kórsetip otyr. Bul týraly búgin «DoingBusiness» reıtınginde Qazaqstannyń pozıtsııalaryn jaqsartý máseleleri talqylanǵan Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Bilim men ǵylym salasy boıynsha birneshe halyqaralyq reıtıngter men zertteýler júrgiziledi. Orta bilim berýde biz 5 salystyrmaly zertteýge qatysamyz. Negizgileri - PISA, TIMSS, PIRLS zertteýleri. PIRLS zertteýinde biz mátindi túsiný jáne oqý saýattylyǵy boıynsha búgingi kúni 27-oryndamyz. Al TIMSS zertteýinde matematıka jáne jaratylystaný pánderi boıynsha úzdikter ishindemiz jáne 10 jetekshi eldiń qataryna endik», - dedi mınıstr.

Degenmen, onyń aıtýynsha, TIMSS zertteýi tek akademııalyq bilimderi bar ekenin ǵana kórsetedi jáne osy kórsetkish boıynsha nátıje jaqsy.

«Alaıda, biz úshin eń mańyzdy reıtıng jáne zertteý ol – PISA. Osy PISA nátıjeleri oqýshylardyń fýnktsıonaldyq saýattylyǵynyń tómendigin kórsetip otyr. Taldaý jasaý, synı turǵyda oılaý daǵdylary búgin bizdiń balalarda jetkiliksiz. Basqasha aıtqanda, Qazaqstandyq oqýshylar kóp biledi, biraq alǵan bilimderin tıisinshe qoldana almaıdy. Osyǵan baılanysty 2016 jyldan bastap mektepterde synı oılaý jáne daǵdylardy damytýǵa baǵyttalǵan jańartylǵan bilim berý mazmuny engizilýde. Jańa baǵdarlamalar, jańa baǵalaý júıesi engizilip jatyr. Osynyń bári septigin tıgizedi dep oılaımyz», - dedi Ashat Aımaǵambetov.


Joǵary qaraı