Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Mınıstrdiń orynbasary QAJK basshysynyń qyzmetinen ketýine túsinik berdi

2019 jyldyń 10 qazan 2019 13:26

NUR-SULTAN. QazAqparat – QR Іshki ister mınıstriniń orynbasary Alekseı Kalaıchıdı Qylmystyq-atqarý júıesi komıtetiniń tóraǵasy Darqan Qanatbekovtiń qyzmetinen bosatylýyna qatysty túsinik berdi, dep habarlaıdy QazAqparat tilishisi.

«Bul sheshim onyń óz erkimen jasaldy. Ol ózi raportpen ótinim berdi. Oǵan qatysty qandaı da teris sıpattaǵy minezdeme berilgen joq, sondaı-aq osynyń aldynda eshqandaı qyzmettik tekserý de júrgizilgen emes. Atap aıtqanda, oǵan qatysty tekserý sharalary bolmady», - dedi A. Kalaıchıdı Parlament Senatynda tilshiler saýalyna jaýap bere otyryp.

Onyń sózine qaraǵanda, árbir basshy óziniń múmkindigine baǵa berýge quqyly.

Osy oraıda, mınıstrdiń orynbasary árbir adam qalyptasqan jaǵdaıǵa qalaı áreket etetin ózi aıqyndaıtyny aıta kele: «Qyzmetten ketý týraly raport jasaý úshin ol aıtarlyqtaı jaýapty qadamǵa baryp otyr», - dedi ol.

Esteńizge sala keteıik, QR Іshki ister mınıstri Erlan Turǵymbaevtyń buıryǵymen Qylmystyq-atqarý júıesi komıtetiniń tóraǵasy Darqan Qanatbekov qyzmetinen bosatyldy.

Joǵary qaraı