Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Mınskide qazaq kınosynyń festıvali ótedi

2019 jyldyń 18 qazan 2019 09:15

MINSK. QazAqparat - 18-20 qazan aralyǵynda Belarýs astanasy Mınsk qalasynda qazaq kınosynyń festıvali ótedi, dep habarlaıdy QazAqparat «Qazaqfılm» kınostýdııasyna silteme jasap.

Mádenı is-shara barysynda qala turǵyndary men qonaqtarynyń nazaryna ár túrli janrda túsirilgen otandyq kınotýyndylar usynylady.

Festıvaldi Qazaqstan Respýblıkasynyń Belarýs Respýblıkasyndaǵy Elshiliginiń qoldaýymen QR Mádenıet jáne sport mınıstrligi jáne «Qazaqfılm» kınostýdııasy uıymdastyryp otyr. Aıta ketsek, bul is-shara Belarýs Respýblıkasynyń Prezıdenti Aleksandr Lýkashenkonyń aldaǵy Qazaqstanǵa josparlanǵan resmı sapary qarsańynda ótkizilip otyr.

18 qazanda festıvaldiń ashylý saltanatynda qazaqtyń tenor daýysty birtýar ánshisi Ámire Qashaýbaevtyń ómiri týraly baıandaıtyn «Ámire» fılmi kórsetiledi. Sondaı-aq is-shara barysynda «Qazaqfılm» kınostýdııasynyń basqa da týyndylary – Rústem Ábdirashevtyń «Qazaq handyǵy. Altyn taq», Aqan Sataevtyń «Anaǵa aparar jol», Farhat Sháripovtyń «Qyzǵylt qoıan týraly hıkaıa, Ermek Tursynovtyń «Shal» jáne «Shyraqshy» fılmderi usynylady. Al kishkentaı kórermender tolyqmetrajdy «Muzbalaq» (rej. Turdybek Maıdan ı Tilek Tóleýǵazy) anımatsııalyq fılmin tamashalaı alady.

Fılmder Mınsk qalasyndaǵy «Belarýs» kınoteatrynda (Romanovskaıa Sloboda kóshesi, 28) kórsetiledi. Kirý tegin.

Basty sózder: Mádenıet, Belarýs,
Joǵary qaraı