Aýa raıy
Astana 0 °S
Almaty 8 °S
valıýta baǵamy
USD 388.81
EUR 429.01
RUB 6.08
CNY 55.49

Múgedektigi bar azamattar qalaı jeńildikpen páter ala alady

2019 jyldyń 16 qazan 2019 15:35

NUR-SULTAN. QazAqparat – QR Prezıdenti Ákimshiliginiń qoǵamdyq qabyldaýyna jıi joldanatyn suraqtardyń biri múgedekterdiń jáne múgedek balasy bar otbasylardyń jeńildikpen páter alýyna qatysty bolyp otyr. Osyǵan oraı, QR Prezıdenti Ákimshiliginiń qoǵamdyq qabyldaýy Telegram-kanalynda atalǵan sanattaǵy azamattardyń jeńildikpen baspana alý joldary túsindirildi, dep habarlaıdy QazAqparat tilshisi.

«Eger barlyq protsedýrany durys ótse, birneshe jyldyń ishinde turǵyn úı problemasyn sheshýge múmkindik bar. Múgedekterdi, múgedek balalary bar nemese ony tárbıelep otyrǵan otbasyn turǵyn úımen qamtamasyz etýdiń eki quraly bar. Birinshiden, qajetti qujattardy jınap, jergilikti atqarýshy organǵa júginý kerek. Olar qujattardy qabyldap, esepke qoıady jáne turǵyn úıge muqtaj múgedekterge kezek tártibimen ákimshilik baspana usynady», - delingen Telegram-kanaldaǵy aqparatta.

Ekinshi quralyna sáıkes atalǵan sanattaǵy azamattar úshin jeńildetilgen tártippen baspana satyp alýǵa jyldyq mólsherlemesi 2 paıyzben 20 jylǵa ıpotekalyq zaım usynylady. Bul rette Qazaqstannyń «Turǵynúıqurylysjınaqbankinde» bastapqy jarna jınaǵan azamattarǵa 20 jylǵa deıin jyldyq mólsherlemesi 2 paıyzdan aspaıtyn aldyn ala jáne aralyq turǵyn úı zaımyn beredi. Atalǵan sanattaǵy azamattarǵa jylyna 6 myńǵa jýyq jeńildetilgen zaım berý josparlanǵan.

«Joǵaryda atalǵan sanatqa jatatyn azamattarǵa kezekke turýǵa arnalǵan qujattaryn der ýaqytynda jáne durys tapsyrý qajettigin taǵy da bir márte eske salamyz», -dep atap ótedi qoǵamdyq qabyldaý.

Joǵary qaraı