Aýa raıy
Astana 24 °S
Almaty 24 °S
valıýta baǵamy
USD 386.34
EUR 427.25
RUB 5.88
CNY 54.57

Muhtar Taıjan: Ulttyq keńes jumysyna atsalysýǵa daıynmyn

2019 jyldyń 17 shilde 2019 18:29 488

NUR-SULTAN. QazAqparat – Ulttyq qoǵamdyq keńestiń múshesi Muhtar Taıjan uıymǵa kirýdegi óziniń maqsattaryn aıtty, dep habarlaıdy QazAqparat tilshisi.

Qoǵam qaıratkeri Muhtar Taıjan Ulttyq qoǵamdyq keńes shynaıy dıalog alańyna aınalady degen pikir bildirdi.

«Óz basym burynnan aıtyp kele jatyrmyn. Bılik pen qoǵam arasynda dıalog quratyn júıe bolý kerek. Sondyqtan, bıliktiń naqty osy qadamyn qoldaımyn. Mundaı turaqty túrde jumys isteıtin jıyn bárimizge qajetti dep bilemin. Bizdiń Qazaqstanymyz bolashaqta órkenıetti, quqyqtyq, demokratııalyq, shynaıy naryqtyq memleketke aınalýy kerek. Bul keńeske kirýdegi ózimniń maqsatym osy. Biz keleshek urpaqqa óte órkenıetti memleketti qaldyryp ketýimiz qajet. Osy keńes sol basty maqsatymyzǵa naqty qadam bolady dep úmittenemin. Sondyqtan óz basym keńestiń jumysyna atsalysýǵa daıynmyn», - degen saıasatker keńestiń jumysy ashyq bolatynyna senim bildirdi.

«Bizdiń jumysymyz mindetti túrde ashyq bolady. Óz maqsatymyzdy ózgertpeımiz. Birte-birte ortaq maqsatqa jetemiz degen úmit bar. Eń bastysy, keńestiń jumysynda eshqandaı sheńber joq. El ómirin jaqsartýǵa qatysty sharýalardyń bárin qamtıtyn bolady», - dedi Muhtar Taıjan.



Foto: dalanews.kz

Joǵary qaraı