Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Nıý-Iorkta egeýquıryqtardy alkogoldiń kómegimen joıýǵa kiristi

2019 jyldyń 9 qyrkúıek 2019 04:11

NUR-SULTAN. QazAqparat - Nıý-Iorkke sapar shekken ár adam birneshe qyzyq oqıǵany bastan keshpeı qoımaıdy. Máselen, Nıý-Iork stılindegi úlken pıtstsa tiliminen dám tatý, Brýklın kópirinde serýendeý jáne de metroda órip júretin egeýquıryqtarmen «jaqyn tanysý». Olardyń esten ketpeıtin sebebi, ár egeýquıryq mysyq sııaqty úlken.

CNN basylymynyń habarlaýynsha, uzaq jyldar boıy Nıý-Iork metrosynda emin-erkin ómir súrgen egeýquıryqtardyń kózin joıý isi qolǵa alyndy. Ol úshin shelek-shelek alkogol ónimderi «kómekke kelmek».

Brýklın aýdanynyń prezıdenti Erık Adams BAQ ókilderine egeýquıryqtardy qalaı masaıtatyndary týraly jan-jaqty túsindirdi. Ekomille dep atalatyn qurylǵy egeýquıryqtarǵa tamaq usynady, odan keıin alkogol toly shelekke túsetin jolmen júrgizedi. Árbir shelek 80 egeýquıryq syıatyn kólemde. Ýsyz alkogol ónimi egeýquıryqtyń esten tanýyna kepil eken.

Aıta keterligi, 2017 jyly mer Bıll De Blazıo egeýquıryqtardan qalany tazartý úshin 32 mıllıon dollar turatyn jobany iske qosqan bolatyn. Degenmen, ol bul atalmysh tirshilik ıelerin túbegeıli joıa almady.


Avtor Aıkúmis Bolatbek
Basty sózder: Oqıǵa, Álem,
Joǵary qaraı