Aýa raıy
Astana 24 °S
Almaty 24 °S
valıýta baǵamy
USD 385.42
EUR 424.58
RUB 6.00
CNY 54.31

Nur Otan partııasynda kadrlyq aýys-túıis boldy

2019 jyldyń 20 tamyz 2019 14:45

NUR-SULTAN. QazAqparat – «Nur Otan» partııasy janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń tóraǵasy qyzmetine Omarhan Óksikbaev taǵaıyndaldy. Bul jaıynda atalǵan Partııa tóraǵasynyń birinshi orynbasary Baýyrjan Baıbek Twitter-degi paraqshasynda jazdy, dep habarlaıdy QazAqparat.

«Nur Otan» partııasynyń Lıderi N.Á. Nazarbaevtyń Qaýlysymen Omarhan Óksikbaev - partııa janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń tóraǵasy, Pavel Kazantsev Partııalyq baqylaý komıtetiniń tóraǵasy bolyp taǵaıyndaldy», - jep jazdy ol.

Sonymen qatar, Baýyrjan Baıbek «Nur Otan» partııasy fraktsııasy depýtattarynyń kásibı biliktilikteri, tabandylyqtary, memlekettik jáne partııa jumysyndaǵy mol tájirıbeleri atalǵan partııalyq organdardy kúsheıtýge yqpal etetindigine senim bildirdi.

Óksikbaev Omarhan Nurtaıuly 1954 jyly 22 jeltoqsanda Almaty oblysy Balqash aýdany Kóktal aýylynda týǵan. Almaty halyq sharýashylyǵy ınstıtýtyn bitirip, Frantsııada (Parıjde) «Naryqtyq ekonomıkadaǵy aýdıtorlyq qyzmet» mamandyǵy boıynsha bilim aldy. Ekonomıka ǵylymdarynyń doktory. QR Prezıdenti Ákimshiligi Bas baqylaý ınspektsııasynyń basshysy, QR Qaýipsizdik Keńesiniń hatshysy, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy qyzmetterin atqarǵan. 2016 jylǵy 25 naýryz aıynan bastap – altynshy shaqyrylǵan Qazaqstan Respýblıkasy Parlamenti Májilisiniń depýtaty, «Nur Otan» Halyqtyq-Demokratııalyq partııasynyń múshesi. «Qurmet», «Parasat» ordenderimen medaldarmen marapattalǵan.

Pavel Olegovıch Kazantsev 1960 jyldyń 22 naýryzynda Tomsk qalasynda dúnıge kelgen. Altynshy shaqyrylǵan Qazaqstan Respýblıkasy Parlamenti Májilisiniń depýtaty. Tselınograd ınjenerlik-qurylys ınstıtýtyn, F.E.Djerzınskıı atyndaǵy KSRO MQK Joǵary mektebin bitirgen. Ár jyldary QR Tuńǵysh Prezıdenti – Elbasy qorynyń damý boıynsha menedjeri, baǵdarlamalardy, is-sharalardy, syrtqy baılanystar men kommýnıkatsııany josparlaý qyzmetiniń jetekshisi, QR Kásipodaqtar federatsııasy tóraǵasynyń orynbasary bolǵan. «Qurmet», «Eren eńbek úshin» medaldarymen marapattalǵan.

Joǵary qaraı