Aýa raıy
Astana 19 °S
Almaty 19 °S
valıýta baǵamy
USD 386.70
EUR 427.15
RUB 6.06
CNY 54.57

Nur-Sultanda «Berekeli baspana» baǵdarlamasy boıynsha 298 adam páter aldy

2019 jyldyń 22 tamyz 2019 09:59

NUR-SULTAN.QazAqparat - «Berekeli baspana» baǵdarlamasy boıynsha páterleriniń kiltterin kezekte turǵan 298 adam aldy, dep habarlaıdy «Nur-Sultan» ákimdiginiń saıty.

Konstıtýtsııa kúni qarsańynda «Berekeli baspana» turǵyn úı baǵdarlamasy aıasynda elorda ákiminiń orynbasary Baqtııar Máken kezekte turǵan adamdarǵa páterlerdiń kiltterin tabystady.

Búgin elordadaǵy baqytty páter ıeleri R.Qoshqarbaev dańǵyly, 80/1 jáne Lepsi, 42/1 úı mekenjaıy boıynsha ornalasqan páterlerine kóshti.




Úıler satyp alý quqyǵynsyz jaldamaly baspana berýdi qarastyratyn «Berekeli baspana» turǵyn úı baǵdarlamasy aıasynda qala ákimdiginiń tapsyrysy boıynsha salyndy.

Páter kiltterin tabystaý rásiminde qala ákiminiń orynbasary Bahtııar Máken quttyqtaý sóz sóıledi.

«Búgin barlyǵy úshin keremet mereke! Elordada baspana alý - erekshe qýanysh. Kóbi armandaǵan turǵyn úıdi 10 jyldan astam ýaqyt kútti. «Berekeli baspana» baǵdarlamasynan ótkenderdiń barlyǵyna bul memleket tarapynan jasalǵan jaqsy qoldaý. Eger Siz buryn bıýdjettiń kóp bóligin jeke turǵyn úıdi jaldaýǵa jumsasańyz, endi únemdelgen aqshany armanyńyzǵa jumsaı alasyz, óıtkeni bul úıde jaldaý baǵasy aıyna 5000-nan 10000 teńgege deıin bolady», - dedi ol páter qojaıyndaryna.




Ákimniń orynbasary jańa páterlerdi qarap shyqty.

Kezekte turǵandardyń arasynda kópbalaly otbasy sanatyndaǵylarǵa 150 páter, halyqtyń áleýmettik álsiz toptary sanatyna kiretinderge - 148 úlestirildi.

Eske salsaq, 2019 jyldyń 6 tamyzynan 12 tamyzyna deıin elordanyń Turǵyn úı qory óziniń resmı ınternet-resýrstarynda turǵyn úı kezegine qatysýǵa nıet bildirgen azamattardan osy baǵdarlama boıynsha qujattardy qabyldaý bastalǵany týraly habarlama ornalastyrdy.




Ótinish berýshilerdiń arasynda tańdaý kezekke qoıylǵan kúnine qarap jasaldy.




Basty sózder: Nur-Sultan, Turǵyn úı,
Joǵary qaraı