Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Nura aýdanyna jańa ákim taǵaıyndaldy

2019 jyldyń 16 qyrkúıek 2019 19:26

QARAǴANDY. QazAqparat - Nura aýdanynyń ákimi bolyp 47 jasar Aıan Shalmaǵanbetov taǵaıyndaldy, dep habarlaıdy QazAqparat Qaraǵandy oblysy ákiminiń resmı saıtyna silteme jasap.

Aıan Shalmaǵanbetovtiń kandıdatýrasyn aýdandyq máslıhattyń kezekten tys sessııasynda aımaq basshysy Erlan Qoshanov usyndy jáne depýtattar óz kelisimin berdi.
Burynǵy ákim Eset Baıken basqa memlekettik qyzmetke aýysýyna baılanysty aýdan basshysynyń orny bos boldy. Ol qazir Nur-Sultan ákimi apparatynyń basshysy bolyp jumys isteıdi. Oblys ákimi oǵan tabys jáne turǵyndardyń ıgiligi úshin jemisti eńbek etýdi tiledi. Aıan Shalmaǵanbetov óńir basshysy men aýdandyq máslıhat depýtattaryna senim bildirgeni úshin alǵysyn bildirdi. «Memlekettik qyzmette, onyń ishinde memlekettik organdardaǵy úlken tájirıbesi jańa ákimge aýdanda jumysty ońtaıly uıymdastyrýǵa jáne qoıylǵan mindetterdi oryndaýǵa kómektesedi», - dep atap ótti Erlan Qoshanov. Aıan Shalmaǵanbetov 1972 jyly 14 aqpanda Nura aýdany Kıevka kentinde dúnıege kelgen. «Ekonomıst-menedjer», «quqyqtaný bakalavry» biliktiligi boıynsha eki joǵary bilimi bar. Aqmola agrarlyq ýnıversıteti men E. A. Bóketov atyndaǵy QarMÝ-di bitirgen. Eńbek jolyn qurylysta jumysshy bolyp bastaǵan. «Qazaqstan temir joly» RMK-da jumys istedi, onda jetekshi mamannan basqarma bastyǵynyń orynbasaryna deıingi eńbek jolyn júrip ótti. Kommertsııalyq qurylymdarda jumys tájirıbesi bar. Memlekettik qyzmette 2012 jyldan bastap. Ortalyq atqarýshy organdarda basshylyq qyzmetterde: QR Tabıǵı monopolııalardy retteý agenttiginde, QR Ulttyq ekonomıka mınıstrliginde jumys istedi. Qaraǵandy oblysynyń ekonomıka jáne qarjy basqarmasy basshysynyń orynbasary boldy. 2015 jyldyń jeltoqsan aıynan bastap osy laýazymǵa taǵaıyndalǵanǵa deıin oblystyq jer qatynastary basqarmasyn basqardy.








Joǵary qaraı