Aýa raıy
Astana 0 °S
Almaty 8 °S
valıýta baǵamy
USD 388.81
EUR 429.01
RUB 6.08
CNY 55.49

Nurlan Ermekbaev Arys mańynda qaza tapqan áskerı qyzmetshiniń jaqyndaryna kóńil aıtty

2019 jyldyń 14 qazan 2019 10:43

NUR-SULTAN. QazAqparat – Qorǵanys mınıstri Nurlan Ermekbaev Arys mańynda jarylystan qaza tapqan áskerı qyzmetshiniń týǵan-týystaryna kóńil aıtty, dep habarlaıdy QazAqparat tilshisi.

«Amanjol Sovetuly Aqyshevtiń týǵan-týystaryna kóńil aıtamyz. Otbasynyń qaıǵysyna ortaqpyz. Bul - tek Aqyshevter áýleti ǵana emes, búkil Qarýly kúshter úshin orny tolmas qaza», - dedi Qorǵanys mınıstri.

Eske sala ketsek, osydan úsh kún buryn arnaıy jabdyqtalǵan polıgon aýmaǵynda (Arys qalasynan 60 shaqyrym jerde) jınalǵan oq-dári fragmentterin joıý kezinde oq-dárige ýaqytynan buryn detonatsııa jasalǵan. Saldarynan top jetekshisi, áskerı bólimniń ınjenerlik qyzmetiniń bastyǵy, maıor A. S. Aqyshev qaza tapqan bolatyn.

SQO qorǵanys isteri jónindegi departamentinen málim etkendeı, osy oqıǵaǵa baılanysty óńirge QR Qorǵanys mınıstriniń orynbasary Tımýr Dándibaev bastaǵan top jáne Amanjol Aqyshevpen qyzmettes bolǵan áriptesteri kele jatyr. QR Qarýly Kúshteri Bas shtaby bastyǵynyń orynbasary Muhamedjan Talasov óńirge jetti. Jerleý rásimine baılanysty barlyq shyǵyndy mınıstrlik óz moınyna aldy. Sondaı-aq vedomstvo marqumnyń otbasyna materıaldyq-áleýmettik kómek beretin boldy .

Joǵary qaraı