Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Oqýshylar úshin shkaf alýǵa qosymsha qarjy bólýdi surap otyrmyz – Ashat Aımaǵambetov

2019 jyldyń 10 qyrkúıek 2019 11:14

NUR-SULTAN. QazAqparat – Oqýshylar shkafy Bilim jáne ǵylym mınıstrliginiń bıýdjetimen sheshilse, bir-aq kúnde sheshetin edik. Mundaı pikirdi búin Úkimet otyrysynan keıin vedomstvo basshysy Ashat Aımaǵambetov bildirdi, dep habarlaıdy QazAqparat tilshisi.

«Eger barlyǵy da buıryqtar men basqa da normatıvtik-quqyqtyq aktiler arqyly júzege asyrylatyn bolsa, onda árıne jaǵdaı múldem basqasha bolar edi. Esterińizde bolsa, osydan eki jyl buryn jergilikti atqarýshy organdarǵa aýyl sýǵa arnalǵan sýburqaqqa, oqýshylardyń oqýlyqtaryn, aýystyryp kıetin aıaq kıimin, basqa da zattaryn qaldyryp keletin shkaftarǵa aqsha qarastyrýdy ótingen edik. Qazirgi ýaqytta bul protsess aıtarlyqtaı qarqyndy júrgizilip jatyr. Degenmen, bul problema 100 paıyz sheshildi dep aıta almaımyz», - dedi mınıstr.

Onyń atap ótýinshe, mınıstrlik jergilikti atqarýshy organdardan kelesi jylǵy bıýdjette oqýshylarǵa arnalǵan shkaftar ornatýǵa qosymsha aqsha qarastyrýdy ótinip otyr.

«Shyndyǵynda da bul óte mańyzdy másele. Jalpy, shkaf máselesin bir mınıstrliktiń bıýdjetimen sheshýge bolatyn bolsa, árıne ony biz bir kúnniń ishinde sheshetin edik. Bul keshendi másele», - dedi Ashat Aımaǵambetov.


Joǵary qaraı