Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Ómirzaq Shókeev Keles aýdanynda áleýmettik mańyzy bar nysandardy tekserdi

2019 jyldyń 16 qyrkúıek 2019 10:58

TÚRKІSTAN. QazAqparat – Túrkistan oblysynyń ákimi Ómirzaq Shókeev Keles aýdanyna jumys sapary barysynda áleýmettik mańyzy bar nysandarda boldy, dep habarlaıdy QazAqparat.

Aımaq basshysy aldymen Birtilek aýyldyq okrýginde ornalasqan «Abzal» jáne «Bereke» sharýa qojalyqtarynda boldy. Mundaǵy dıqandar kókónis ónimderi, kartop, qyryqqabat, pııaz egýmen aınalysady. Sharýalar aldyńǵy qatarly tehnologııany qoldana otyryp, bir jylda eki-úsh ret ónim alý ádisin meńgergen. Bıyldyń ózinde atalǵan tájirıbe sheńberinde 29 joba júzege asqan. Nátıjesinde, aýdannyń agrarlyq áleýetin artýda.

Sondaı- aq Túrkistan oblysynyń ákimi Abaı aýylynyń ortalyǵynda «Aýyl – el besigi» baǵdarlamasy aıasynda júrgizilip jatqan abattandyrý jumystarymen tanysty. Respýblıkalyq bıýdjetten qarjylandyrylǵan aýqymdy qurylys jobasynyń aıasynda 23 kósheni tolyq jóndeý kózdelgen.

Ómirzaq Shókeev joldardy jónge keltirý jumystarynyń talapqa saı, sapaly júrgizilýin qadaǵalaýdy tapsyrdy.





Budan bólek, ol Abaı aýyly aýmaǵynan ótetin «Aranshy – 1» sý arnasyn tehnıkalyq tazalaýdan ótkizý jumystaryn da tekserdi. Jeti shaqyrymǵa sozylǵan sý arnasy bitelip, aǵysy baıaýlaǵan. Jyldar boıy jergilikti halyqty ábigerge salyp kelgen másele sheshimin tapqanyna el rıza. Kóktem, kúz aılarynda sý tasqyny qaýpi tónse, egistik merziminde sharýalar sýdan taryǵyp kelgen. Sonyń saldarynan 380 gektar sýarmaly jerge sý jetpeı, ıgerýsiz qalyp keledi. Jóndeý jumystary tolyq aıaqtalyp, sýarmaly júıeler iske qosylǵan soń Qoshqarata aýyldyq okrýgindegi egistik jerlerdiń aýmaǵyn 450 gektarǵa ulǵaıtý kózdelgen.

Oblys ákimine sonymen qatar, respýblıkalyq mańyzy bar A-15 avtojolynyń boıyn abattandyrý jáne aǵymdaǵy jóndeý jumystarynyń barysy baıandaldy. Josparǵa sáıkes joba qazan aıynyń sońyna deıin aıaqtalýy tıis.


Basty sózder: Túrkistan oblysy, Ákim, Aımaq,
Joǵary qaraı