Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Ómirzaq Shókeev Saıramda jem shyǵaratyn zaýyttyń qurylysymen tanysty

2019 jyldyń 20 qyrkúıek 2019 14:40

TÚRKІSTAN OBLYSY. QazAqparat – Túrkistan oblysynyń ákimi Ómirzaq Shókeev Saıram aýdanyna issaparymen bardy. Ákim aýdandaǵy jumysyn Jibek joly aýyldyq okrýgindegi «Tómengi Aqqala» kanalynda júrgizilip jatqan mehanıkalyq tazalaý jumystaryn tekserýden bastady, dep habarlaıdy QazAqparat.

Aýdannyń egistik aýmaǵy 60 myń gektardaı jerdi alyp jatyr. 18 500 gektary – sýarmaly. Onda aǵyn sý kommýnaldyq jáne jeke menshiktegi sý arnalary arqyly jetkiziledi. Bitelgen sý júıeleri jyldar boıy kúrdeli tazalaýdan ótpegen. Bul maqsatta sheteldik sońǵy úlgidegi ekskovator satyp alynyp, 2 aıdyń kóleminde aǵysy baıaýlaǵan sý júıesi tazalanyty. Nátıjesinde 400 gektardan astam jerdi sýarý múmkindigi jaqsarǵan.





Sapar barysynda óńir basshysy arnaıy formalar, áskerı kıimder men tósek oryndar tigiletin «AHBK» tigin fabrıkasynda bolyp, jumysshylarmen kezdesti. Munan soń aımaq basshysy «K.A.Z.TEL» JShS-niń kabel shyǵaratyn óndiris ornyna bardy.








Kásiporyn jylyna 7200 shaqyrymǵa deıingi ónim shyǵarady. Daıyn ónim ishki naryqty qamtyp, kórshiles Qyrǵyzstanǵa jóneltiledi. Óńirdegi eksportty arttyrý týraly Ómirzaq Estaıuly osy aýylda ornalasqan qurama jem shyǵaratyn zaýyttyń qurylysyn aralaý barysynda aıtyp ótti. Munda táýligine 240 tonna qurama jem daıyndalatyn bolady. Alǵashqy kezde daıyn ónimmen ishki naryqty qamtý josparlanýda. Alda Ózbekstan, Aýǵanstan men Iran elderine eksporttaý kózdelgen. Zaýyt osy aıdyń sońyna deıin iske qosylmaq.





Jumys saparynyń sońynda oblys ákimi Ómirzaq Shókeev Aqsý aýylyndaǵy «Birlik-4» jaýapkershiligi shekteýli seriktestiginiń jumysymen tanysty. Munda zamanaýı qurylǵylarmen jabdyqtalǵan kókónister men jemisterdi saqtaıtyn, syıymdylyǵy 40 myń tonnalyq qoımalar bar.

Sonymen qatar, keshende aýyl sharýashylyǵy ónimderin óńdeıtin tseh ornalasqan. Onda jylyna 1,2 mln konservi ónimderi shyǵarylady. Otandyq ónim Qazaqstan aýmaǵy men TMD elderine eksporttalady.








Basty sózder: Qoǵam, Túrkistan oblysy, Ónerkásip,
Joǵary qaraı