Aýa raıy
Astana -2 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Oralda eki kólik soqtyǵysyp, bir adam aýrýhanaǵa tústi

2019 jyldyń 17 qyrkúıek 2019 11:01

ORAL. QazAqparat – Oralda eki avtokólik túıisip, bir adam jaraqat aldy, dep habarlaıdy QazAqparat tilshisi.

Oqıǵa búgin tańerteń Zachagan kentinde boldy.

Oblystyq Densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 08.25-te shaqyryldy. Brıgada oqıǵa ornyna bes mınýttan keıin jetken.

Aldyn ala málimet boıynsha, 27 jastaǵy er adam jabyq bas-mı jaraqatyn alǵan, mıy shaıqalǵan. Oǵan qosa, denesi kógerip, kóptegen tilik jaraqattaryn alǵan ol oblystyq kópbeıindi aýrýhanaǵa jetkizildi.

BQO Polıtsııa departamentiniń baspasóz qyzmeti málimettiń keıin beriletinin aıtty.

Eske sala keteıik, budan buryn Oralda bir kúnde eki avtokóliktiń órtenip ketkenin jazǵan bolatynbyz.


Avtor Eljan Eraly
Basty sózder: Aımaq, Oqıǵa, Batys Qazaqstan oblysy,
Joǵary qaraı