Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Oralda jol apatynan tórt adam zardap shekti

2019 jyldyń 18 qazan 2019 14:26

ORAL. QazAqparat – Oralda jol apatynan tórt adam zardap shekti, dep habarlaıdy QazAqparat tilshisi.

ıÝ.Gagarın kóshesi «VAZ-2109» jáne «VAZ-2110» avtokólikteri soqtyǵysty.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem keshe saǵat 23.09-da shaqyryldy. Brıgada bes mınýttan keıin jetti.

Jol apatynan tórt adam jaraqat alsa, sonyń ekeýi - balalar. Aldyn ala málimet boıynsha jeti jáne tórt jastaǵy er balalar men 30 jáne 27 jastaǵy er adamdar jabyq bas-mı jaraqatyn alyp, mıy shaıqalǵan. Er adamdar qalalyq kópbeıindi aýrýhanaǵa jatqyzyldy. Al balalar dárigerler qaraǵannan keıin betiniń jumsaq eti kógergen degen dıagnozben oblystyq kópbeıindi balalar aýrýhanasyna joldandy.

Oblystyq polıtsııa departamentiniń baspasóz qyzmeti bolǵan oqıǵany rastap, aqparattyń keıin beriletinin jetkizdi.

Eske sala keteıik, budan buryn Oralda jol apatynan qaza tapqan adamnyń sheteldik bolyp shyqqanyn, sosyn avtokóliktiń velosıped mingen jas jigitti qaǵyp ketkenin jazǵan bolatynbyz.

Joǵary qaraı