Aýa raıy
Astana 14 °S
Almaty 13 °S
valıýta baǵamy
USD 386.34
EUR 427.25
RUB 5.88
CNY 54.57

Ordabasyda oınap júrip adasyp qalǵan 4 jasar búldirshin tabyldy

2019 jyldyń 18 shilde 2019 10:52 233

TEMІRLAN. QazAqparat – Túrkistan oblysynda joǵalǵan 4 jasar búldirshin tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Ordabasy aýdandyq polıtsııa bólimine jergilikti turǵyn habarlasyp, ulynan kóz jazyp qalǵanyn aıtqan. Aýdan saqshylary tez arada arnaıy top quryp, búldirshindi izdeýge attandy. Turǵyndar arasynda izdeý júrgizip, kórgen-bilgenderden surastyrady. Osylaısha shuǵyl júrgizilgen izdestirý sharalarynyń nátıjesinde bala sanaýly saǵattar ishinde tabyldy.

«Keıin belgili bolǵandaı, búldirshin aýlaǵa oınaýǵa shyqqan. Ákesi jumysta, anasy úı sharýasymen aınalysyp jatqanda oınap júrgen 4 jasar bala ózge balalarǵa erip ketip, aqyr sońynda adasyp qalǵan. Kómekke der kezinde kelgen saqshylar balany aman-esen taýyp, úıine jetkizdi. Balasynan kóz jazyp qalǵan ata-ana tártip saqshylaryna alǵys aıtty» delingen habarlamada.

«Ulym kórshilerdiń balalarymen oınap júrgendikten esh alańdamadym. As daıar bolǵanda shaqyraıyn dep shyqsam, balam da joq, kórshilerdiń balary da kórinbeıdi. Ne isterimdi bilmeı birinshi ákesine habarlastym, ol jumystan tez arada kelip, ekeýlep izdedik. Kún batyp kele jatqan soń birnársege ushyrap qala ma dep qatty alańdadyq. Sodan aqyldasa kele polıtseılerge habarlasyp, kómek suradyq. Ulym 4 jasta bolǵandyqtan tili áli tolyq shyqpaǵan. Sóıleı alǵanymen, tili shala, kez kelgen adam túsine bermeıdi. Onyń ústine úıdiń mekenjaıyn da bilmeıdi. Aıaq astynan balamnan kóz jazyp qalyp, qan jutyp óz-ózimdi kinálaǵan edim. Qarańǵy túsem degenshe ulymdy aman-esen qolyma tapsyrǵan polıtsııa ınspektory, aǵa leıtenant Sáken Saılanovqa analyq júregimmen alǵysymdy aıtamyn», - deıdi ana.

Jalpy, jaz mezgilinde balalar jıi joǵalady. Demalys kezi bolǵandyqtan serýendeýge, sýǵa shomylýǵa nemese úıine aıtpaı týystarynyń úıine ketip qalatyn jasóspirimder sany artady. Al, búldirshinderdiń basym bóligi oınaýǵa shyǵyp nemese ata-anasymen qydyryp júrip adasyp qalýy múmkin.

Basty sózder: Túrkistan oblysy, Oqıǵa,
Joǵary qaraı