Aýa raıy
Astana 1 °S
Almaty 0 °S
valıýta baǵamy
USD 388.81
EUR 429.01
RUB 6.08
CNY 55.49

Óskemende bala asyrap alýshy ata-analardyń arnaıy klýby bar

2019 jyldyń 19 qazan 2019 17:49

ÓSKEMEN. QazAqparat – Óskemende bala asyrap alýshy ata-analardyń arnaıy klýby jumys istep tur, dep habarlaıdy QazAqparat tilshisi.

Bala asyrap alý bir qaraǵanda ońaı sharýa emes kórinedi. Bizge bul týraly Ekaterına Vanıýshkına aıtyp berdi.

– Aınalamyzda qaıyrymdy jandar az emes. Áıtkenmen bala asyrap alamyn degen ata-ananyń jolynda kóptegen kedergiler kezdesýi múmkin. Mysaly bireýlerge aqparattyq qoldaý qajet bolsa, áldekimge zań turǵysynan aqyl-keńes kerek. Onyń ústine balalar úıiniń basshylary men birqatar memlekettik organdardyń «qyrsyqtyǵyn» qosyńyz. Mine, osyndaı jaǵdaılarda kómek qolyn sozý úshin atalmysh klýbty uıymdastyrdyq, – deıdi maman.

Ekaterına – uıymdastyrýshy ári keńesshi maman. Ózi de jeti jasar búldirshindi baýyryna salyp otyr. Onyń aıtýynsha, qazirgi ýaqytta qalada mundaı ata-analar kóp. Klýb músheleri bala asyrap alýda bir-birine qoldaý kórsetýmen qatar, aı saıyn bas qosyp, tájirıbe almasyp, aqyl-keńesterin ortaǵa salady.

– Balalar úıinen shyqqan búldirshinderdi baǵý ońaı emes. Olar on syz da bir márte ómirden soqqy aldy. Buǵan ekinshi ret jol berýge áste bolmaıdy. Aı saıyn ata-analar bas qosqanda osy jaǵyna basa nazar aýdaramyz, – deıdi Ekaterına.

Ázirshe klýbtyń turǵylyqty mekenjaıy joq. Ata-analardyń alǵashqy kezdesýi 12 qazan kúni «Balalar shyǵarmashylyq úıinde» ótti. Atalmysh mekeme basshylyǵy aıyna bir ret bos kabınetterdi paıdalanýǵa kelisim bergen eken. Osy sebepti Ekaterına áleýmettik jelide belsendi jumysqa kóshken. «Baqytty bala» atty ata-analardyń ortaq chatyn ashty. Qulaǵdar bolǵandar qatarǵa kelip qosyldy. Qońyraý shalyp nemese jelide jazyp, aqyl-keńes suraıtyndar kún sanap kóbeıip kele jatqanyn aıtady ol.

Osy oraıda aıta keteıik, klýbtyń negizin salýshy – «Qazaqstan bala asyrap alýshy ata-analarynyń qaýymdastyǵy» qoǵamdyq qorynyń jetekshisi Janna Kım. Óskemenge arnaıy kelip, ata-analarmen suhbat quryp, bala tárbıesine qatysty keńes berdi.

Klýb óz jumysyn ári qaraı jalǵastyrýǵa nıetti.

Joǵary qaraı