Aýa raıy
Astana 0 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Ózimizdiń Greta Týnbergti tapqymyz keledi - «Qazaqstannyń 100 jańa esim» jobasy jas daryndylardy izdeıdi

2019 jyldyń 16 qazan 2019 18:34

ALMATY. QazAqparat - Qazaqstannyń 100 jańa esimin izdeý boıynsha bastamashy toptyń ókili, Media Talks uıymdastyrýshysy Mahabbat Esen Almatydaǵy Nazarbaev Zııatkerlik mektebiniń oqýshylarymen kezdesti, dep habarlaıdy QazAqparat tilshisi.

Mahabbat Esen, «Qazaqstannyń 100 jańa esimi» jobasy elimizde úshinshi jyl qatarynan júzege asyrylyp jatqanyn atap ótti.

«Men munda bizdiń bolashaq daryndy jastarymyzben kezdesýge keldim. Bul kezdeısoq kezdesý emes. Sebebi, jobanyń byltyrǵy jeńimpazdarynyń biri Ivan Krepak dál osy mektepte oqyǵan. Jastardyń yntasy men yqylasy joǵary. Bul quptarlyq jaıt. Jahandyq álemde jáne óz eli úshin birdeńe isteý degen óte jaqsy. Osyndaı daryndy balalarmen oı bólisip, jaqynyraq tanysqym keledi. Olarǵa «Qazaqstannyń 100 jańa esimi» jobasy týraly shynaıy aqparatty jetkizgim keledi», - dedi Mahabbat Esen.

Kezdesý barysynda telejúrgizýshi óz tájirıbesimen bólisti, kópshilik aldynda ózin qalaı ustaý kerektigin aıtyp, belsendi oqýshylardy «Qazaqstannyń 100 jańa esimi» jobasyna qatysýǵa shaqyrdy.

«Bıyl bul joba óziniń aldyna jańa maqsattar qoıdy. Ol kúndelikti eńbektený arqyly jańa ıdeıalar, jobalar, tańǵalarlyq jańa dúnıelerdi oılap tapqan daryndy jastardy izdeıdi. Biz ýnıversıtetterge, mektepterge barýǵa tyrysamyz. Biz osy zamannyń erekshe tulǵasyn tapqymyz keledi», -deıdi ol.

Onyń aıtýynsha, jobada jas erekshelikterine shekteý joq. Barlyǵy eńbegi men talanty boıynsha baǵalanady. Sondaı-aq, Táýelsizdik alǵan jyldary dúnıege kelgen jastarǵa erekshe nazar aýdarylady.

«Bıyl biz ekologııaǵa mán beretin belsendi tapqymyz keledi. Sebebi, bul álemdik problema. Men Greta Týnberg sııaqty úlkenderdiń nazaryn úlken máselege aýdarta alatyn jasty izdeımin. Sondaı-aq, jas er muǵalimderdi tapqym keledi, bul da mańyzdy. Eger pedagogıkalyq mamandyq boıynsha er adamdar bolsa, onda bul básekege qabiletti mamandyq, olar onda az jalaqy tólemeıdi. Bul tárbıeli urpaq ósirýge de óz septigin tıgizer edi», - dep qosty ol.

Sonymen qatar, ol 100 adamnan turatyn bıýro komandasy shalǵaı aımaqtarǵa arnaıy jiberilgen aýyl kóshbasshylaryn izdestirip jatqanyn aıtty.

Jobaǵa qatysý úshin úmitker jobanyń veb-saıtyna ótinish qaldyrady. Qabyldaýlar qazan aıynyń sońyna deıin jalǵasady. Daýys berý bir aı ishinde ótedi. Nátıjeler 1 jeltoqsanda jarııalanady.

Joǵary qaraı