Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Pavlodar mektepterinde ınternet jyldamdyǵyn arttyrýǵa 180 mln teńge bólindi

2019 jyldyń 17 qyrkúıek 2019 14:58

PAVLODAR. QazAqparat - Pavlodar mektepterinde ınternet jyldamdyǵyn arttyrý úshin 180 mln teńge bólindi. 1 qyrkúıekke deıin bul somanyń 84,5 mln teńgesi ıgerildi, dep habarlaıdy QazAqparat pavlodarnews.kz saıtyna silteme jasap.

«Óńirdegi barlyq bilim berý nysandary 100% kompıýterlik tehnıkamen jáne aqparattyq júıelermen jabdyqtalǵan. Sekýndyna 4 Mbıt jyldamdyqtaǵy keń jolaqty Internetpen jáne Wi-Fi-ǵa qosylý núktelerimen qamtamasyz etilgen. Sońǵy úsh jylda oblystyń 52 mektebinde qazirgi zamanǵy Teacher Office muǵalimder kabınetteri jáne eýropalyq standarttar boıynsha baǵdarlamalaý daǵdylaryna úıretý boıynsha balalarǵa arnalǵan 29 tegin IT-synyptar ashyldy, onyń ishinde 18 - i aýyldyq mektepterde. Jergilikti bıýdjet jáne demeýshilik qarajat esebinen mundaı ІT-synyptar basqa mektepterde paıda bolady», - dedi oblystyq Indýstrııalyq-ınnovatsııalyq damý basqarmasy basshysynyń orynbasary Kenjebek Azatbekov Óńirlik kommýnıkatsııalar qyzmetinde ótken baspasóz máslıhatynda.

Onyń aıtýynsha, oblystyń 96 bilim berý mekemesine jylý rejimin baqylaý jáne taldaý jobasy engizilgen. Onyń quny bir nysanǵa 236 myń teńgeni quraıdy. Sonymen qatar, óńirde balalardy kezekke qoıý, balabaqshalarǵa joldama berý jáne mektepke elektrondy túrde jazylý boıynsha memlekettik qyzmetterdi avtomattandyrý tolyq aýqymdy júrgizilýde. Óńirde elektrondyq túrde jazylý múmkindigi mektepterdiń 87,5%, balabaqshalardyń 90% engizilgen.

Balabaqshalarda memlekettik qyzmetterdi avtomattandyrý úshin jergilikti bıýdjetten 41,1 mln teńge, mektepterde 28,9 mln teńge bólindi.


Basty sózder: Aımaq, Internet, Bilim, Pavlodar oblysy,
Joǵary qaraı