Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Pavlodarda polıtseıdiń asylyp qalýyna baılanysty tergeý bastaldy

2019 jyldyń 20 qyrkúıek 2019 17:44

PAVLODAR. QazAqparat – Pavlodarda asylyp qalǵan polıtseıdiń denesi tabylýyna qatysty saraptama belgilendi, dep habarlaıdy QazAqparat tilshisi.

«Sot-medıtsınalyq saraptama taǵaıyndaldy. Osy derek boıynsha tergeý bólimsheleri sotqa deıingi tergep-tekserýge kirisken. Polıtsııa departamentiniń ózindik qaýipsizdik basqarmasy qyzmettik tekseris júrgizip jatyr. Onyń qorytyndysy keıin aıtylady», - dep málimdedi Pavlodar oblysy polıtsııa departamentiniń baspasóz qyzmeti.

Vedomstvonyń deregine súıensek, polıtseıdiń denesi Pavlodarda búgin tańǵy 07:20-da Sátbaev kóshesindegi úıdiń garajynan tabylǵan.

«QR QPK 201-babyna sáıkes, basqa aqparat jarııa etilmeıdi», - deıdi polıtsııa departamentiniń ókilderi.

Eske sala keteıik, búgin pavlodarlyq polıtseı asylyp qalǵan kúıi tabylǵan. Er adam bıyl jeltoqsanda 35 jasqa tolar edi. Ol ishki ister organdarynda 2008 jyldan beri qyzmet etken.


Avtor: Anton Gagarın



Basty sózder: Pavlodar oblysy, Oqıǵa,
Joǵary qaraı