Aýa raıy
Astana 16 °S
Almaty 28 °S
valıýta baǵamy
USD 386.05
EUR 428.25
RUB 5.84
CNY 54.65

Petropavlda er adam 4-qabattyń terezesine shyqqan sábıdi qutqardy

2019 jyldyń 18 shilde 2019 19:02 274

PETROPAVL. QazAqparat – Petropavlda qala turǵyny kóp qabatty úıdiń terezesinde turǵan eki jasar sábıdi aman-esen túsirip aldy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha, oqys oqıǵa Petropavl qalasy Shýhov kóshesindegi bes qabatty úılerdiń birinde bolǵan. Eki jasar náreste tórtinshi qabattyń terezesinen qulap kete jazdady. 46 jastaǵy qala turǵyny Dmıtrıı Zaıtsev besinshi qabattyń balkonynan tómen túsip, páterge kirip, sábıdi terezeden túsirip aldy.

«Daladan aıqaı-shýdy estidim. Aýladaǵy adamdar ashyq terezede turǵan balany kórip, qaı páter ekenin anyqtaı almaı jatyr eken. Kóp oılanýǵa ýaqyt bolmady. Besinshi qabattyń balkonynan tómendegi balkonǵa sekirdim. Sábı kelesi bólmeniń tereze jaqtaýynda tur eken», - deıdi Dmıtrıı Zaıtsev.

Tártip saqshylarynyń aıtýynsha, balaǵa qaraıtyn áıel túngi kezekshilikten soń qatty uıyqtap ketken. Qazir náreste oqıǵa kezinde jumysta bolǵan anasyna tabystaldy.

«Bul oqıǵa qaharmandardyń aramyzda júrgeniniń dáleli. Olar úshin azamattyq paryz bos sóz emes», - deıdi Petropavl qalalyq Polıtsııa basqarmasynyń bastyǵy Jandos Muqatov. 

Joǵary qaraı