Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Petropavlda tártip saqshylary balyqshyny ólimnen qutqardy

2019 jyldyń 25 maýsym 2019 22:39 483

PETROPAVL. QazAqparat - Petropavlda tártip saqshylary Esil ózeninde balyq aýlap júrip, bógettiń ıirimine qulaı jazdaǵan balyqshyny qutqaryp qaldy, dep habarlaıdy QazAqparat tilshisi.

Petropavl turǵyny túnde Esil ózeninde balyq aýlaımyn dep júrip, ómirimen qoshtasa  jazdady. SQO Polıtsııa departamenti baspasóz qyzmetiniń habarlaýynsha, 22 jasar jigit qaıyqta uıyqtap qalǵan. Tańǵy 5.00-ke taman 19-yqshamaýdanda balyqshylar ishinde qımylsyz adamy bar qalqyǵan qaıyqty baıqap, «102» nómirine qońyraý shalady. Qatty aǵyspen qalqyǵan qaıyq bógetti betke alypty.

Oqıǵa ornyna jaqyn mańda kezekshilik etip júrgen polıtseıler Meıirbek Meıram men Talǵat Іńkárov jetedi. Qaıyqtyń bógetke jetýge 400 metrdeı ǵana qalǵanyn kórgen Meıirbek kómekke umtylady.

«Ol meniń janymnan júzip ótip, bógetke jaqyndap qaldy. Birden ortalyqqa jaǵdaıdy baıandadym, kıimimdi sheship, tapanshany qasymdaǵy áriptesime tapsyrdym da sýǵa tústim. Balyqshy bógettiń ıirimine qulaǵan jaǵdaıda aman qalýy neǵaıbyl edi. Sol sebepti tez qımyldaýǵa týra keldi», - deıdi Petropavl qalalyq patrýldik polıtsııa batalonynyń qyzmetkeri Meıirbek Meıram.

Balyqshy oıanyp jaǵdaıdy baǵdarlaǵansha, polıtsııa serjanty eskekpen ese otyryp qaıyqty jaǵaǵa alyp shyqty.

Meıirbek Meıram 23 jasta. Qaraǵandy qalasynyń týmasy. Petropavl qalasynda qurylys-ekonomıkalyq kolledjde bilim alǵan, 2016 jyly polıtsııaǵa qyzmetke ornalasqan eken. Búginde ol óz isimen durys sheshim qabyldaǵanyn dáleldedi.



null 

 

Joǵary qaraı