Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Plastıkti almastyrýshylar qorshaǵan ortaǵa plastıkten de qaýipti

2019 jyldyń 13 qyrkúıek 2019 17:40

NUR-SULTAN. QazAqparat - Komposttalǵan plastık almastyrýshylar teńizderdi lastap, qorshaǵan ortaǵa zalalyn tıgizýi múmkin, dep habarlaıdy CNN.

Ulybrıtanııa Qorshaǵan ortany qorǵaý komıtetiniń esebinshe, álemde plastık problemasynyń oryn alǵanyna biraz ýaqyt boldy. Jylyna mıllıon tonnaǵa jýyq plastık teńiz sýyna túsip, qorshaǵan ortaǵa zııanyn tıgizedi.

Sondyqtan kóptegen kásiporyndar men tutynýshylar plastıkti qoldanýdan bas tartyp, ornyna bıoydyratqyshtar men komposttalǵan oramdardy qoldanýǵa kóshken.

Biraq komıtet bergen esep boıynsha, bul atalǵan oramdar plastıkten de qaýipti bolýy múmkin. Green Alliance ekologııalyq toby júrgizgen zertteý boıynsha, adamdar bıoydyratqysh materıaldardy zııansyz dep sanap, óte kóp mólsherde qoldanyp júr, qoqystardyń sany odan saıyn kóbeıgen.

Esepte kórsetilgen málimet boıynsha, tutynýshylar kopmosttalǵan plastık almastyrǵyshtardy qalaı qoldanýdy úırenbegen, sondyqtan bul retsırkýlıatsııaǵa ákelip soqtyrýy múmkin. Ol kóbeıgen saıyn kómirqyshqyl gazynyń aýaǵa bólinip shyǵýy da arta beredi.

Sondyqtan agenttiktiń belsendisi Djýletta Fıllıps «mysaly, bıoydyraǵyshtan jasalǵan ydys teńizge tastalsa, onyń plastık ydystan zııany az emes» dedi.

«Ózen-teńizderimizdiń plastık qoqystardan zardap shegip otyrǵany belgili. Alaıda, olardy basqa materıaldarmen almastyrý máseleniń sheshimi emes» dedi depýtat Nıl Perısh.


Avtor Aıkúmis Bolatbek
Basty sózder: Ekologııa, Álem,
Joǵary qaraı