Aýa raıy
Astana 26 °S
Almaty 32 °S
valıýta baǵamy
USD 384.87
EUR 432.52
RUB 6.11
CNY 55.95

Polıtseı óz-ózine qol jumsamaq bolǵan úsh balanyń anasyn qutqardy

2019 jyldyń 25 maýsym 2019 15:18 375

PAVLODAR. QazAqparat - Kámeletke tolmaǵan úsh balanyń anasy ómirin arashalap qalǵan ýchaskelik polıtsııa ınspektoryna alǵysyn bildirdi, dep habarlaıdy pavlodarnews.kz. 

Pavlodar oblystyq polıtsııa departamenti baspasóz qyzmetiniń málimdeýinshe, Jelezın aýdany polıtsııa bóliminiń ýchaskelik polıtsııa ınspektory Rýslan Júsipov úsh kámeletke tolmaǵan úsh balanyń anasyn qutqaryp qalǵan.

«Kezekti kezekshilik barysynda saǵat 22:42 shamasynda ýchaskelik polıtsııa ınspektory Rýslan Júsipovke kezekshi bóliminen Ertis ózeni jaǵasynda áıel adamnyń beline deıin sýda turǵany jaıly habarlama kelip túsedi. Ertis ózeni jaǵasyna kelip jetken 29 jastaǵy ýchaskelik polıtsııa ınspektory bir sátte qarap turmastan sýǵa túsken boıy ony shyǵaryp alǵan»,- dedi baspasóz qyzmetinde.

 Óz ómirin qıǵysy kelgen 37 jasar Jelezınka aýylynyń turǵyny jubaıymen sózge kelispeı, sýǵa batý jolymen qorqytpaqshy bolǵan. Áıel adam medıtsına qyzmetkerlerine tapsyrylyp, oǵan alǵashqy medıtsınalyq kómek kórsetildi. Ári qaraı aýrýhana psıhologtarymen keńes ótkizildi.

«Ómirin ajaldan arashalap qalǵan ýchaskelik polıtsııa ınspektory Rýslanǵa úsh balanyń anasy alǵysyn bildirdi. Polıtsııa qyzmetkeri oqıǵa ornyna jedel túrde jetpegen jaǵdaıda qaıǵynyń aldyn alý múmkin bolmas edi», - dedi departamentte.

 Aıta keteıik, polıtsııa aǵa leıtenanty Rýslan Júsipov ishki ister organynda 2016 jyldyń tamyz aıynan bastap qyzmet etedi. 

 

Basty sózder: QR ІІM, Oqıǵa, Pavlodar oblysy,
Joǵary qaraı