Aýa raıy
Astana 23 °S
Almaty 23 °S
valıýta baǵamy
USD 386.71
EUR 429.17
RUB 6.02
CNY 54.66

Polıtseıler halyq kóp jınalatyn orynda turǵyndardyń suraqtaryna jaýap beredi

2019 jyldyń 17 tamyz 2019 08:28

NUR-SULTAN. QazAqparat – Osy jyldyń 16-17 tamyz kúnderi respýblıka aýmaǵynda «Jolda qabyldaý» aktsııasynyń kezekti kezeńi ótkiziledi, dep habarlaıdy QazAqparat.

Polıtsııa departamentteri, ákimshilik polıtsııa, jergilikti polıtsııa jáne kóshi-qon qyzmeti basshylary halyq kóp jınalatyn jerde (ortalyq alańdar, saýda-oıyn saýyq ortalyqtary, mamandandyrylǵan HQKO jáne HQKO aınalasynda), arnaıy «jedel» qabyldaý oryndarynda turǵyndarǵa qyzyqtyrǵan suraqtary boıynsha jaýap beredi. Aktsııa kezinde azamattar ózderiniń ózekti máselelerin sheshý úshin tikeleı, eshqandaı aldyn ala jazylýsyz polıtsııa basshylaryna júgine alady», - dep habarlaıdy Іshki ister mınıstrliginiń baspasóz qyzmetinen.

Sonymen qatar, bul joly turǵyn úı keshenderinde polıtsııa qyzmetkerleri ákimdikter, PIK ókilderimen birge «aýlalardaǵy qabyldaý» sharasyn uıymdastyryp azamattardyń suraqtaryna jaýap bermek.

«Sondaı-aq, jol qaýipsizdigi jáne kóshi-qon zańnamasy máselelerine qatysty suraqtarǵa «qyzý jeli» telefony arqyly jaýap alýǵa bolady. Atalǵan is-sharanyń ótkiziletin orny jáne «qyzý jeliniń» telefon nómirlerin siltemesi boıynsha ІІM-niń resmı portalynan jáne polıtsııa departamentteriniń portaldarynan, sondaı-aq +7 (7172) 437613 telefondarynan bilýge bolady», - delingen habarlamada.

Budan buryn ІІM bastamasymen ótken «Jolda qabyldaý» aktsııasy azamattardyń kóńilinen shyqqan bolatyn. Atalmysh aktsııa – polıtsııanyń halyqpen ózara is-qımyl jasasýdyń jańa modeline kóshý baǵyttarynyń biri. Aktsııanyń aldyńǵy tórt kezeńinde 76 myńǵa jýyq ótinish kelip túsken. Osyǵan baılanysty, mınıstr Erlan Turǵymbaevtyń tapsyrmasy boıynsha aýmaqtyq ishki ister organdary aı saıyn azamattardy qabyldaýdy júrgizedi.


Perevod Aıan Bekenuly
Basty sózder: QR ІІM, Qoǵam,
Joǵary qaraı