Awa rayı
Nur-Sultan 10 °S
Almatı 17 °S
valyuta bağamı
USD 382.38
EUR 428.30
RUB 5.97
CNY 55.39

Polïcïya qızmetkerlerіnіñ päter jaldawına ötemaqı berіledі

2019 jıldıñ 25 mamır 2019 17:08 1339

NUR-SULTAN. QazAqparat - Polïcïya qızmetkerlerіnіñ päter jaldawına ötemaqı engіzіledі. Bul twralı  bügіn QR Іşkі іster mïnïstrіnіñ orınbasarı Aleksey Kalayçïdï ayttı, dep xabarlaydı QazAqparat tіlşіsі.

«Bіz qızmetkerlerdіñ älewmettіk qorğalwın jäne jalaqısın arttırw bağıtında bayıptı qadamdarğa barıp otırmız. Özderіñіz de bіlesіzder, 1 şіldeden bastap saralanğan türde jalaqını köteremіz. Buğan qosa, otbasınıñ bіr müşesіne öñіrlerge baylanıstı 40 mıñ teñgeden bastap  jalğa alınğan päter tölemі türіndegі ötemaqı ïnstïtwtın engіzbekpіz. Іşkі іster bölіmderіne qızmetke keletіn jastarğa tölenetіn ötemaqı kölemі 70 mıñnan 250 mıñ teñgege deyіn boladı», - dedі ol QR Іşkі іster mïnïstrі Erlan Turğımbaevtıñ törağalığımen ötken vedomstvoğa qarastı JOO basşılarımen jïın ayasında.

Onıñ atap ötwіnşe, mïnïstrlіk memleket tarapınan bölіnetіn qarajattıñ päterіn jalğa berwşіlerdіñ qaltasına ketpewі üşіn de arnayı şara qabıldap otır. Yağnï, polïcïya qızmetkerі jalğa alğan päterіn belgіlі bіr waqıttan keyіn jekeşelendіrwіne mümkіndіk jasaladı.

«Bіzdіñ turğın üy qorımız joq, baspana salmaymız. Degenmen, «Turğınüyqurılısjïnaqbankі» bar. Munday şaranı 1 şіldeden bastamaqpız. Sebebі zañnamağa özgertwler engіzw qajet. Jaña jılğa deyіn jeñіldetіlgen sızba jumıs іsteydі. Yağnï, adam baspananı jalğa alw şartın jasasıp, bіz sol jaldaw qunın 100 payız töleymіz», - dedі ol.

Vïce-mïnïstrdіñ aytwınşa,  päterdі jaldaw ötemaqısın elіmіz boyınşa şamamen 16 mıñ polïcïya qızmetkerі alatın boladı. Ol üşіn jıl sayın 9,1 mlrd teñge qarajat bölіnedі.

«Bügіngі künge deyіn ötemaqını jedel wäkіl bölіmşelerі men tergewşіler ğana alıp kelgen bolatın. Olardıñ sanı şamamen 6,5 mıñ adamdı quraydı. Endі bіz olarğa tağı da 9 mıñnan astam adamdı qospaqpız. Olar: şolğınşı polïceyler, wçaskelіk jäne kämeletke jası tolmağandar іsі jönіndegі ïspektorlar», - dedі A.Kalayçïdï.

 

 

Joğarı qaray