Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Prezıdent Buqtyrma sý qoımasy arqyly kópir salýǵa qarjy bólýdi tapsyrdy

2019 jyldyń 19 qyrkúıek 2019 19:56

NUR-SULTAN. QazAqparat - Memleket basshysy Úkimetke Shyǵys Qazaqstan oblysynyń ákimdigimen birge Buqtyrma sý qoımasy arqyly kópir salý úshin qarjy bólý máselesin qarastyrýdy tapsyrdy, dep habarlaıdy QazAqparat Prezıdenttiń Twitter paraqshasyna silteme jasap.

«Egemen Qazaqstan» gazeti ShQO Kúrshim aýdanynyń 20 myńnan astam turǵynyn tolǵandyrǵan ózekti máseleni kóterdi. Halyq 50 jyl buryn salynǵan eski parommen qatynap júr. Úkimetke ShQO ákimdigimen birge Buqtyrma sý qoımasyna kópir salý úshin qarjy bólý máselesin qarastyrýdy tapsyramyn», - dep jazdy Qasym-Jomart Toqaev.

Aıta keteıik, «Egemen Qazaqstan» gazeti Óskemen men óńirdiń búkil qala-aýdandaryn jalǵaıtyn, strategııalyq mańyzy zor Buqtyrma sý qoımasy arqyly ótetin «Qyzyl tý» ótkeli jurtty ábden áýre-sarsańǵa salǵanyn jazǵan bolatyn.


Joǵary qaraı