Aýa raıy
Astana 16 °S
Almaty 28 °S
valıýta baǵamy
USD 386.05
EUR 428.25
RUB 5.84
CNY 54.65

Prezıdent Qazaqstan halqyna beıbitshilik pen baq-bereke tiledi

2019 jyldyń 5 shilde 2019 16:10 1102

NUR-SULTAN. QazAqparat - Qasym-Jomart Toqaev Memlekettik týdy kóterý rásimine qatysty, dep habarlaıdy QazAqparat Aqordanyń baspasóz qyzmetine silteme jasap. 

Qazaqstan Prezıdenti dástúr boıynsha Elorda kúnine arnalǵan merekelik is-sharany ashatyn Memlekettik týdy kóterý saltanatty rásimine qatysty.

– Qazaqstannyń týy joǵary áýelep kóterilgende júregimizdi táýelsiz elimizdiń barlyq jetistigine degen maqtanysh sezimi baýrap alady. Bas qalamyz qalyptasqan sátten bastap, damýdyń qazaqstandyq úlgisiniń aıqyn jetistikke jetkenin kórsetip keledi – dedi Qasym-Jomart Toqaev.

Memleket basshysy áskerı oqý orny túlekteriniń aldynda sóılegen sózinde Qazaqstannyń týyn óńirde jáne búkil jer sharynda qaýipsizdik pen turaqtylyqty qamtamasyz etýge baǵyttalǵan beıbitshilik pen salıqaly saıasattyń sımvoly retinde búkil álem biletinin aıtty.

– Qazirgi kúrdeli jahandyq ahýalda bizdiń er azamattarymyz túrli shıelenis oshaqtaryna baryp, bitimgerlik mıssııasyn abyroımen atqarýda. Bilikti áskerı qyzmetker adamgershilik qundylyqtaryn bıik ustaıtyn, temirdeı tártipti saqtaıtyn, tabandy eńbek etetin adam bolýy tıis. Qazaqstannyń qaýipsizdigi – Sizderdiń sapaly jumystaryńyzǵa tikeleı baılanysty, – dedi Qasym-Jomart Toqaev.

Rásim barysynda joǵary áskerı oqý ornynyń 27 úzdik túlegi Qazaqstan Prezıdenti – Qazaqstan Respýblıkasynyń Joǵarǵy Bas qolbasshysynyń qolynan ofıtser pogonyn aldy.


null 

null

null  

Sońynda Qasym-Jomart Toqaev barlyq qatysýshylardy kele jatqan Elorda kúnimen quttyqtap, Qazaqstan halqyna beıbitshilik pen baq-bereke tiledi. 


null 

null 

null 

Joǵary qaraı