Aýa raıy
Astana 30 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Prezıdenttiń mańyzdy on baǵyty: Aqmolada 5 myń páter paıdalanýǵa beriledi

2019 jyldyń 19 maýsym 2019 21:52 1142

KÓKShETAÝ. QazAqparat - Bıyl Aqmola oblysynda «Nurly jer» baǵdarlamasy sheńberinde 502 myń sharshy metr nemese 5 myńnan astam páter paıdalanýǵa berý josparlanǵan. Bul týraly oblystyq qurylys basqarmasy basshysynyń orynbasary Ermek Qaraǵaev aıtty, dep habarlaıdy QazAqparat tilshisi.

«Bıylǵy jyly qurylys jumystary úshin 13,3 mıllıard teńge qarjy qarastyrylyp otyr. Bul ótken jyldyń sáıkes kezeńimen salystyrǵanda 1,6 esege artyq. Onyń ishinde respýblıkalyq bıýdjet esebinen 11,1 mıllıard teńge bolsa, qalǵan  2,2 mıllıard teńgesi oblystyq bıýdjetten», - dep atap ótti basqarma basshysynyń orynbasary.

Onyń sózine qaraǵanda, aǵymdaǵy jyldyń bes aıynda Aqmola oblysynda 248 myń sharshy metr baspana paıdalanýǵa berildi. Búgingi kúnge deıin 2 myń 100 otbasy baspana máselesin jaqsartty. Onyń ishinde Kókshetaý qalasynda eń kóp páter, ıaǵnı, 84,8 myń sharshy metr berildi. Jeke ınvestıtsııa úlesi Tselınograd aýdanynyń úlesinde. Jyl basynan beri shamamen 110 myń sharshy metr nemese 911 páter paıdalanýǵa berilgen.

«2019 jyldyń bes aıynda oblysta satyp alý quqyǵynsyz 9,5 myń sharshy metr paıdalanýǵa berildi. Onyń 6,6 myń sharshy metri respýblıkalyq ta, 3,9 myń sharshy metr jergilikti bıýdjet esebinen. Bıylǵy jyly 23 turǵyn úıdiń qurylysy júrgizilýde. Jyl sońyna  35,9 sharshy metr baspana nemese 14 turǵyn úıdi qoldanysqa berý kózdelgen»,- dep tolyqtyrdy Ermek Qaraǵaev.

Aıta keterligi, Aqmola oblysynda 900 astam kópbalaly otbasy páter kezeginde tur. Jaldamaly páter qurylysy jobasyn júzege asyrý sheńberinde jyl sońyna deıin 148 kópbalaly otbasyn baspanamen qamtý kózdelgen. Budan bólek  2019 jyly 30 myńna astam sharshy metr (400 astam páter) nesıelik páterdi paıdalanýǵa berý josparlanǵan. Bul baǵytta «Báıterek» AQ esebinen qundy qaǵazdar shyǵarylady, ıaǵnı aqshamen eseptegende onyń sommasy 1,7 mıllıard teńge nemese  13 turǵyn úı. Bıylǵy jylǵy bes aıdyń qorytyndysy boıynsha 9,7 sharshy metr (4 turǵyn úı nemese 160 páter) paıdalanýǵa berildi.

Sonymen qatar, bıyl sýmen jabdyqtaý júıesiniń qurylysyna respýblıkalyq bıýdjetten 1,9 mıllıard teńge qarjy bólindi.  2020-2022 jyldary respýblıkalyq bıýdjetten bólinetin qarjy esebinen jeke turǵyn úı qurylysy júrgiziletin 4 000 astam jer telimin ınjenerlik-kommýnıkatsııa ınfraqurylymymen qamtamasyz etiletin bolady.

«Aqmola oblysynda qurylys jumystary qarqyn alyp, oǵan kásipkerler de bastamashylyq tanytýda, osynyń nátıjesinde turǵyndardyń baspana máselesi birtindep sheshilýde», - dep túıindedi Ermek Qaraǵaev.

 

 

Joǵary qaraı