Aýa raıy
Astana 14 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

«Qazaqstan» Ulttyq arnasynan 14 jańa joba efırge shyǵady

2019 jyldyń 24 tamyz 2019 14:42

NUR-SULTAN. QazAqparat - Kúzgi jańa maýsymda «Qazaqstan» Ulttyq arnasynan 14 jańa joba efırge shyǵady. Osyǵan deıin kórermen yqylasyna bólenip úlgergen 10 baǵdarlama jańasha formatta qaıta usynylady. Bul týraly «Qazaqstan» RTRK baspasóz qyzmeti habarlaıdy.

Ár apta saıyn Ulttyq arnadan Qazaq televızııasynyń ardageri Nurtileý Imanǵalıulynyń ıntellektýaldy dıalogqa qurylǵan «Nur Tileý» baǵdarlamasyn tamashalaıtyn bolasyzdar.

Al «Apta» aqparattyq-saraptamalyq baǵdarlamasyn jańa maýsymnan bastap belgili jýrnalıst Jaına Slambek júrgizedi. Kún saıyn úsh mezgil tikeleı efırde shyǵatyn «Aqpatat»-ty Armangúl Toqtamurat, Salamat Omash, Sherhan Jambyluly, Albına Áshim tizgindeıdi.

Gúlnaz Álimgereıdi kúzgi maýsymnan bastap muqtaj jandarǵa kómek qolyn sozýǵa baǵyttalǵan jańa «Niet» áleýmettik jobasynan kóretin bolasyzdar. Al «Másele» tizginshisi Nartaı Aralbaıuly kórermenmen endi tek senbi emes, kún saıyn keshki ýaqytta jańa «Ashyq alań» tok-shoýynda júzdesetin bolady.

Budan bólek, arna efırinen apta saıyn public talk formatynda «Sen de bir kirpish dúnıege...» áleýmettik-qoǵamdyq jobasyn usyný josparlanyp otyr. Qoǵamdyq, aqparattyq-tanymdyq baǵyttaǵy «Iman ózegi», «Bir kún», «Mádenıet jaýharlary» habarlary da kórermen kóńilinen shyǵady dep úmittenemiz.

25 tamyzdan bastap Gúlnaz Aýdanbaevamen birge aýyl ómirinen syr shertetin «Aýyldastar» telejobasy efırde.

Kezinde kópshiliktiń yqylasyna bólengen «Tolaǵaı» otbasylyq baǵdarlamasy da osy jańa maýsymda efırge qaıta oralatynyn qýanyshpen habarlaımyz.

Taǵy bir erekshe atap óter jaıt, jańa maýsymnan bastap kórermen «Qazaqstan» arnasy túsirgen birneshe otandyq telehıkaıany tamashalaıtyn bolady.

1 qyrkúıekten bastap Ulttyq arnanyń jańa kelbetine birge kýá bolaıyq!

Basty sózder: BAQ, Qoǵam,
Joǵary qaraı