Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Reseı: Ońtústik Oraldaǵy mektepterde qazaq tilin fakýltatıv túrinde oqytý máselesi talqylandy

2019 jyldyń 21 qazan 2019 12:04

ChELıABІ. QazAqparat – Reseıdegi Chelıabi oblysy Fershampenýaz aýylynda Ońtústik Oral qazaqtarynyń jıyny ótti. Jınalysta Chelıabiniń segiz aýdany men Magnıtogorsk qalasynan kelgen qazaqtar ókilderi ulttyq máselelerdi talqylady, dep habarlaıdy Dúnıejúzi qazaqtary qaýymdastyǵynyń baspasóz qyzmeti.

Noǵaıbaq aýdanyndaǵy kezdesýde Dúnıejúzi qazaqtarynyń qaýymdastyǵy Tóraǵasynyń orynbasary Jánibek Lesbekov pen QEAQ «Otandastar» Qorynyń bas menedjeri N.Jálıev Qaýymdastyq jáne Qordyń birlesken qyzmeti týraly aqparat berdi.

Jıyndy Noǵaıbaq aýdanynyń burynǵy basshysy Qaıyrbek Seıilov ashty. Kezdesý qatysýshylaryn Noǵaıbaq aýdany basshysynyń jalpy máseleler jónindegi orynbasary Ivan Sýrmenev quttyqtady.

Jınalys barysynda Ońtústik Oral mektepterinde qazaq tilin fakýltatıv túrinde oqytý múmkindikteri talqylanyp, dástúrdi saqtaý, sondaı-aq tarıhı Otanyna sapar uıymdastyrý, mádenı-aǵartýshylyq almasýdy jalǵastyrý josparlary jóninde aıtyldy.

Plenarlyq otyrysty Chelıabi oblysy úkimetiniń qoǵamdyq baılanystar basqarmasynyń bastyǵy Dmıtrıı Semenov ashty. Odan ári oblys qazaqtarynyń ókilderi túrli taqyryptardy, atap aıtqanda qazaqtardyń yqpaldasýy, bıznesti qoldaý salasyndaǵy preferentsııalar, qazaq tilin úırený, qazaq dástúrlerin saqtaý, ózara qarym–qatynastyń umyt qalǵan formalaryn jańǵyrtý sııaqty ózekti máseleler talqylandy.

Kezdesýge qatysýshylar ózderin tolǵandyrǵan máseleler boıynsha suraqtaryn qoıdy.

Avtor Baqytjan Serikuly
Basty sózder: Qandastar, Reseı,
Joǵary qaraı