Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

San úreı - bir jubanysh: Arystaǵy jarylys kezinde týǵan sábıdiń oqıǵasy

2019 jyldyń 25 maýsym 2019 18:56

NUR-SULTAN. QazAqparat - Basy úreıli, aıaǵy qýanyshpen aıaqtalǵan oqıǵa jaıly QazAqparat tilshisine Bilim jáne ǵylym mınıstrliginiń ókili Shaıza Doskeeva aıtyp berdi.

24 maýsym kúni jarylys bastalǵan kezde Arys qalasynda Ulttyq biryńǵaı testileýdiń appelıatsııasy ótip jatqan bolatyn. Bilim jáne ǵylym mınıstrligi tarapynan Arystaǵy mektep túlekteriniń synyn ótkizýge 12 adam attanǵan. Dál jarylys bolǵan ýaqytta mınıstrlik ókilderiniń bári de testileý oryndarynda bolǵan.

Mınıstrliktiń ókili Shaıza Doskeevanyń aıtýyna qaraǵanda, bas kezinde eshkim de jarylysqa mán bermegen kórinedi. Alaıda artynsha «gúrs» etken ekinshi jarylystan mekteptiń terezeleri kúldeı shashyrap, aınalanyń bári ábigerge túsken.

«Biz Arys qalasyn bilmedik. Qaıda qasharymyzdy da áý basta ańǵarmaı qaldyq. Dalaǵa shyqqanymyzda jarylystardan shoshyp kettik. Mınıstrlikten kelgen 12 adam da bir jaqty betke alyp, qasha jóneldik. Bir qarasaq, 12 adamnyń ishinen úsheýimiz jeke qalyp qoıyppyz. Úsheýimiz bir aýylǵa kelip, úılerdiń birinen 5 lıtrlik sý aldyq. Álgi sýdy bólip iship kele jatqanymyzda Tótenshe jaǵdaılar organynyń basshylarynyń biri kezdesip, kólik taýyp berdi. Kóliktiń ishinde bir seksenge taqaǵan áje men tórt balasy bar áıel otyr eken. Olardy bir aýylǵa qaldyryp ary qozǵalǵanymyzda jolda bir aıaǵy aýyr kelinshek pen akýsher áıel kezdesti», - deıdi QazAqparat tilshisine Shaıza Doskeeva.

Kelinshek tolǵatyp qınalsa da, birshama joldy jaıaý júrgen. Osylaısha, kóliktegilerdiń bári jaqyn mańdaǵy medıtsınalyq pýnkti izdeı bastaǵan.

«Júrgizýshi joldyń qarama-qarsy betimen shyǵyp, terezeden basyn shyǵaryp, jol berińder dep aıǵaılap, Aqjar degen aýylǵa jettik. Aqyry, kóliktegilerdiń bári bolyp aýyldaǵy bir úıge toqtadyq. Úı ıeleri de birden bir bólmeni bosatyp berdi. Aqyry, akýsher men áriptesim Balbópe Ótenova kelinshekti bosandyrdy. Balanyń kindigin áriptesim Balbópe kesti», - deıdi ol.

Jas ana qýanǵanynan kóz jasyna erik berip, ózine kómektesken jandarǵa alǵysyn aıta beripti. Tipti balaǵa der kezinde aýylǵa jetkizgen júrgizýshiniń esimin bermek bolǵan. Alaıda dúnıege qyz bala kelgendikten, balaǵa júrgizýshiniń anasynyń esimi berilipti.



null

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.

Arystaǵy jarylystan zardap shekkenderge kómek qolyn sozý maqsatynda elimizde keshe «Arys, biz birgemiz» aktsııasy bastaldy. Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin Oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.

«Túrkistan» korporatıvtik áleýmettik damý qory rekvızıtteri

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA

Avtor Aıan Bekenuly
Basty sózder: Arys, Túrkistan oblysy,
Joǵary qaraı