Aýa raıy
Astana 10 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Sanjar Jarkeshov Ekologııa vıtse-mınıstri boldy

2019 jyldyń 20 tamyz 2019 13:24

NUR-SULTAN. QazAqparat - Qazaqstan Respýblıkasy Úkimetiniń Qaýlysymen Jarkeshov Sanjar Serikbaıuly QR Ekologııa, geologııa jáne tabıǵı resýrstar vıtse-mınıstri bolyp taǵaıyndaldy, dep habarlaıdy Úkimettiń baspasóz qyzmeti.

Vedomstvoda Sanjar Jarkeshov geologııa máselelerine jetekshilik etetin bolady.

Sanjar Jarkeshov 1986 jyly 24 qazanda Qaraǵandy oblysynda týǵan. 2009 jyly Qazaq ekonomıka, qarjy jáne halyqaralyq saýda ýnıversıtetin «qarjy» mamandyǵy boıynsha, al 2010 jyly - Ostın q. (AQSh) Tehas ýnıversıtetin «munaıgaz ınjınırıngi» mamandyǵy boıynsha bitirgen.

Eńbek jolyn 2008 jyly Tehasta (AQSh) Ostın qalasynda Munaı jáne geojúıelik ınjınırıng ortalyǵynyń zertteýshi ınjeneri bolyp bastady, onda 2010 jylǵa deıin jumys istedi.

2010-2016 jyldary «ExxonMobile» Korporatsııasynda Kalıfornııa, Kolorado jáne Tehas (AQSh) shtattarynda burǵylaý jónindegi ınjener, Irakta burǵylaý jónindegi aǵa ınjener, Reseıde (Sahalın araly) burǵylaý jónindegi bas ınjener, Atyraý qalasynda aǵa jobalyq ınjener bolyp eńbek etti.

2016-2018 jyldary - Shotlandııadaǵy Pert qalasynda «Merlin ERD» kompanııasynda kásipshilik sýpervaızerler basshysy jáne burǵylaý jónindegi jetekshi ınjener boldy.

2018 jyldyń naýryz aıynan qazirge deıin Ulybrıtanııada London qalasynda McKinsey and Company kompanııasynda munaı ónerkásibiniń jahandyq sarapshysy jáne basqarýshy keńesshisi bolyp jumys istedi.

Joǵary qaraı