Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Sapasyz tehnıkaǵa shaǵymdar kóbeıdi - Ulttyq tutynýshylar lıgasy

2019 jyldyń 20 qyrkúıek 2019 22:18

NUR-SULTAN. QazAqparat - Ulttyq tutynýshylar lıgasynyń basshysy Svetlana Romanovskaıa qazirgi kezde turǵyndar arasynda sapasyz tehnıkaǵa shaǵymdar kóbeıgenin málim etti, dep habarlaıdy QazAqparat tilshisi.

«Bizdiń lıgaǵa adamdar kóbine páter ıeleri kooperatıvi jumysyna, tarıf máseleleri boıynsha ótinimder men shaǵymdar qaldyrady. Qazirgi kezde tehnıkaǵa (turmystyq tehnıka) qatysty shaǵym óte kóp. Shaǵymdardyń 40 paıyzy sapasyz tehnıkaǵa baılanysty. Nege osyndaı jaǵdaı týyndady? Bizde táýelsiz memlekettik saraptamalar joq. Eger de sizdiń tehnıkańyz isten shyǵyp qalsa, osy kompanııanyń servıstik ortalyǵyna alyp barady. Bul ortalyqtar tehnıkanyń isten shyqqanyna ózińizdi aıyptap qutylýǵa tyrysady», - Svetlana Romanovskaıa Q R Saýda jáne ıntegeratsııa mınıstrliginiń Tutynýshylardyń quqyqtaryn qorǵaý komıteti ókilderimen kezdesý barysynda.

Osy oraıda ol kásipkerler Qazaqstanda tutynýshylar quqyǵy bar ekenin túsinýi kerektigin atap ótti.

Budan buryn habarlanǵandaı, búgin elordada QR Saýda jáne ıntegeratsııa mınıstrliginiń Tutynýshylardyń quqyqtaryn qorǵaý komıteti men Ulttyq tutynýshylar lıgasynyń arasynda memorandým bekitti.

Sonymen qatar, Svetlana Romanovskaıa dárilik preparattardy tekserýdiń qıyndyqtary týraly aıtty.

«Búginde bizde dárilik preparattardy tekserý múmkin emes. Sebebi zerthanada tekserý úshin óndirýshige suranys joldaý kerek. Óz kezeginde óndirýshi budan bas tartýy múmkin, ıaǵnı olar aqparat bermeıtinin málimdeı alady», - dedi ol.


Joǵary qaraı