Aýa raıy
Astana 13 °S
Almaty 14 °S
valıýta baǵamy
USD 385.16
EUR 425.95
RUB 6.01
CNY 54.51

Sarapshy elordanyń radıatsııalyq jaǵdaıyna qatysty pikir bildirdi

2019 jyldyń 22 tamyz 2019 16:19

NUR-SULTAN. QazAqparat – Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Sadýaqas Baıǵabylov elordanyń radıatsııalyq jaǵdaıyna qatysty pikir bildirdi, dep habarlaıdy QazAqparat tilshisi.

«Reseı Federatsııasynyń Arhangelsk oblysyndaǵy áskerı polıgondaǵy oqıǵadan (jarylys) keıin Nur-Sultan qalasynda radıatsııalyq fon artýynyń eshqandaı qateri joq. Nur-Sultan qalalyq taýarlar men qyzmetterdiń sapasy men qaýipsizdigin baqylaý departamenti jyl boıǵy sanıtarlyq-epıdemıologııalyq monıtorıng aıasynda elorda aýmaǵyndaǵy radıatsııalyq ahýalǵa aı saıyn baqylaý júrgizedi», - dep atap ótedi S.Baıǵabylov.

Ólshem nátıjelerine sáıkes 20 tamyzda Nur-Sultan qalasyndaǵy radıatsııalyq ahýal turaqty dep baǵalanady jáne eshqandaı da aýytqý joq. Qala aýmaǵyndaǵy gamma-sáýlelený mólsheriniń qýaty 0,06-0,16 mk Zv/saǵatty qurady. Máselen, adam kúndelikti ómirinde 0,22-0,30 mkZv/saǵat shegindegi tabıǵı gamma-fon áserinde bolady.

«Búgingi kúni elordada Arhangelsk oblysyndaǵy jarylystyń saldaryna qatysty alańdaýǵa eshqandaı negiz joq. Dúrbeleń týǵyzyp, alańdaýǵa esh negiz joq. Jaǵdaı departamenttiń baqylaýynda, radıatsııalyq ahýalǵa monıtorıng jalǵasyp jatyr», - dedi ol.

Eske salsaq, buǵan deıin Reseıdegi jarylystan keıin el aýmaǵynda aýada radıatsııanyń artýy tirkelmegeni týrly buǵan deıin habarlaǵan bolatynby z.

Avtor Marlan Jıembaı
Basty sózder: Nur-Sultan, Ekologııa,
Joǵary qaraı