Aýa raıy
Astana 26 °S
Almaty 24 °S
valıýta baǵamy
USD 386.34
EUR 427.25
RUB 5.88
CNY 54.57

Sátbaev turǵyndaryna arnalyp jańa úıler salynýda

2019 jyldyń 17 shilde 2019 19:21 261

QARAǴANDY. QazAqprat - Sátbaev qalasynda jańa turǵyn úıler salynyp jatyr. «Nurly meken» shaǵyn aýdanyndaǵy úsh bes qabatty turǵyn úı qyrkúıek aıynda paıdalanýǵa beriledi, dep habarlaıdy QazAqparat tilshisi.

Taǵy eki turǵyn úı jyldyń sońyna deıin daıyn bolady. Barlyq bes úıdiń jalpy aýdany - 14,3 myń sharshy metr. Onda 240 páter ornalasqan. Qazir úsh úıdiń tóbesi men qabyrǵalary salynyp jatyr. Qalǵan eki úıde qurylys jumystary keste boıynsha júrip jatyr.

Qaraǵandy oblysynyń ákimi Erlan Qoshanov Vesovaıa jáne Krestovka aýyldarynan jańa úılerge kóshken turǵyndardyń páterlerine baryp qaıtty. Óńir basshysy salynyp jatqan úılerdiń sapasyna nazar aýdardy. Qonys toıyn toılaýshylar jańa baspanalaryna rıza ekenderin jetkizdi.

«Biz qysty osy úıde turdyq, baspanamyz jyly boldy. Qazir jaz, ystyq. Biraq, sizder kórip turǵandaı, páterimizde salqyn. Bizde aýa salqyndatqyshtar joq, alaıda bul úıler qysta jyly al jazda salqyn bolatyndaı etip salynǵan. Bul óte jaqsy. Onyń ústine páterdi bizge jóndelgen kúıinde berdi. Biz tek jıhazdarymyz ben zattarymyzdy alyp kirdik», deıdi ótken jyly Sátbaev qalasynyń Vesovaıa kentinen kóshken zeınetker Natalıa Berezkına.

Oblys ákimi sondaı-aq «Nurly meken» shaǵyn aýdanynyń turǵyndarymen kezdesti. Olar óńir basshysyna balabaqsha men mýzyka mektebiniń qurylysy, sondaı-aq aýlalardy abattandyrý týraly suraqtar qoıdy.

«Balabaqsha qurylysy - bul ózekti másele, ol aıtarlyqtaı qarjylyq shyǵyndy talap etedi, shamamen 800 mln teńgedeı. Biz osy máseleni eki jyl ishinde sheshemiz. Mýzyka mektebine keler bolsaq, men qaladaǵy óner mektebin qaıta jańǵyrtýdy oılastyrýǵa tapsyrma berdim», - dep jaýap berdi Erlan Qoshanov.

Ol qysqa merzimde jańa shaǵyn aýdannyń aýlalaryn abattandyrýdy tapsyrdy. Oryndyqtar jáne kúnqaǵary bar ústelder ornatý kerektigi de aıtyldy.

Esterińizge sala keteıik, Vesovaıa, Krestovskoe, Rýdnıchnoe jáne basqa aýyldardan turǵyndardy kóshirý Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytýdyń 2012-2020 jyldarǵa arnalǵan keshendi jospary aıasynda júrgizilýde. Alǵashqy 15 kópqabatty turǵyn úı 2016 jyly turǵyzyldy. Ol kezde 805 otbasy páter aldy. Shaǵyn aýdanǵa magıstraldy jylý júıesi salynyp, úıler qajetti ınjenerlik kommýnıkatsııalarmen qamtamasyz etildi, munda sondaı-aq jańa mektep salyndy.





Joǵary qaraı