Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Senat depýtattary Aqmola oblysynda boldy

2019 jyldyń 21 qyrkúıek 2019 23:13

KÓKShETAÝ. QazAqparat – QR Parlamenti Senatynyń bir top depýtaty jumys saparymen Aqmola oblysynda boldy, dep habarlaıdy QazAqparat tilshisi.

Senattyń halyqaralyq qatynastar, qorǵanys jáne qaýipsizdik komıtetiniń ókilderi Muhtar Qul-Muhammed, Qaırat Qojamjarov, Dana Nurjigit saparlaryn ýchınskidegi Kadet korpýsynan bastady. Atalmysh bilim ordasy 1996 jyldyń 1 shildesinde QR Tuńǵysh Prezıdenti N.Nazarbaevtyń Jarlyǵymen quryldy. Osy merzimde memleketimizdiń Qarýly Kúshteriniń qataryna 2 myńnan astam kásibı serjant qosylyp, jas jaýyngerlerge tálim tárbıe berýde. Jalyn júrekti jastar ózderi tańdap alǵan áskerı mamandyqtyń qyr-syryn kadet korpýsynyń qabyrǵasynda meńgerip, áskerı bólimderge qyzmetke attanady.

Qazir tańda munda 500-ge jýyq kýrsant bilim alyp jatyr. Sońǵy jyldary ınstıtýtqa memleket tarapynan bólinetin qarjynyń kólemi artqan. ıAǵnı, buryndary 900 mıllıon teńge shamasynda qarjy bólinse, qazir bul somma 1 mıllıard teńgeden asady. Bilim ordasynyń basshylyǵy aldaǵy ýaqytta jataqhana salýdy josparlap otyr. Senatorlar jataqhana salý josparyn qoldap, qarjy máselesin qaldanystaǵy zańnama aıasynda sheshýge múmkindiginshe kómektestinin aıtty.

«Aıtylyp otyrǵan bul másele ınstıtýttyń jáne mınıstrliktiń quzyryndaǵy jumys. Bul týraly Senat komıtetiniń ótken jylǵy kóshpeli jınalysynda kóterilgen edi», - dedi senator Dana Nurjigit.

Sonymen qatar, senatorlar Kókshetaý qalasynyń №2 mamandandyrylǵan órt sóndirý bóliminiń jumysymen tanysty. Azamattyq qorǵanys organdary úshin mamandardy daıarlaýmen jáne qaıta daıarlaýmen aınalysatyn elimizdegi jalǵyz oqý orny – QR ІІM Tótenshe jaǵdaılar komıtetiniń Kókshetaý tehnıkalyq ınstıtýtynda bolyp, materıaldyq-tehnıkalyq jaǵdaıy men oqý jáne oqý-ádistemelik bazasynyń jumysy, sondaı-aq kýrsanttardyń jalpy jaǵdaıy men tamaqtanýyna kóńil bóldi.

Sapar sońynda QR ІІM men Tótenshe jaǵdaılar komıteti jáne Kókshetaý tehnıkalyq ınstıtýty basshylyǵynyń qatysýymen Senat komıtetiniń otyrysyn ótkizdi. Onda túıitkildi máseleler, oqý ornynyń qarjylyq jáne materıaldyq qajettilikteri, olardy sheshý joldary aıtyldy. Senatorlar Úkimetke azamattyq qorǵanys salasyndaǵy bilim sapasyn arttyrý jáne Kókshetaý tehnıkalyq ınstıtýtynyń materıaldyq-tehnıkalyq, oqý jáne oqý-ádistemelik bazasyn nyǵaıtý máseleleri boıynsha usynymdar ázirledi.


Avtor Aslan Ospanov
Basty sózder: Parlament, Senat, Aqmola oblysy, Ásker, Aımaq,
Joǵary qaraı