Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Shamalǵandaǵy apatta zardap shekkenderge kómek kórsetýge dárigerler shaqyryldy

2019 jyldyń 16 qyrkúıek 2019 15:19

TALDYQORǴAN. QazAqparat - Almaty oblysynyń ákimi Amandyq Batalov Shamalǵandaǵy kólik apatynan zardap shekken naýqastarǵa Almaty men oblystyń bilikti mamandaryn shaqyrqanyn málim etti, dep habarlaıdy QazAqparat tilshisi.

«Keshegi Aqseńgir - Shamalǵan poıyz ótkelinde bolǵan jol apatynan zardap shekken ana men balalardyń densaýlyǵyna bárimiz alańdaýlymyz. Almaty qalasy men oblystyń myqty mamandaryn shaqyrttyq. 2016 jylǵy balaǵa Qarasaı aýdandyq ortalyq aýrýhanasynda bilikti dárigerler operatsııa jasady. Anasy men balalarynyń jaǵdaıynan saǵat saıyn habar alyp otyrmyn. Olarǵa qajetti barlyq medıtsınalyq kómekti jumyldyryp jatyrmyz. Qoldan kelgen amaldyń barlyǵyn jasaýdamyz. Qaza bolǵan avtobýs júrgizýshisiniń otbasyna, týǵan-týystaryna qaıǵyryp, kóńil aıtamyn», - delingen A.Batalovtyń Inctagram-daǵy paraqshasynda.

Esterińizge sala keteıik, 15 qyrkúıek kúni Shamalǵan stansasynda poıyz ben avtobýs soqtyǵysty. Jolaýshylar avtobýsy relske shyǵyp ketken. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine jatqyzyldy. Onyń ekeýi bala. Qazir atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrip jatyr. Іsti Bas kóliktik prokýratýra baqylaýyna aldy.

QR Prezıdenti Qasym-Jomart Toqaev poıyz ben avtobýs soqtyǵysynan zardap shekkenderdiń týǵan-týystaryna kóńil aıtty.


Joǵary qaraı