Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Shardaralyq 50-ge tarta sportshy Rýmynııada ótetin Álem chempıonatyna qatysady

2019 jyldyń 23 qazan 2019 04:32

ShARDARA. QazAqparat – Túrkistan oblysy, Shardara aýdanynyń sportshylary Rýmynııada ótetin Álem chempıonatyna qatysady. Konstanta qalasynda qazan aıynyń 26-sy men qarasha aıynyń 4-i aralyǵynda ótetin dodada túrkistandyq 50-ge jýyq sportshy baq synamaq, dep habarlaıdy QazAqparat tilshisi.

Armrestlıngten XXXXII-shi álem birinshiliginde Qazaqstan Respýblıkasy qurama sapynyń múshesi «Shardara Armsport» sport klýbynan jas-jetkinshekter, jasóspirimder,jastar, eresekter jáne múmkindigi shekteýli jandar qol kúrestiredi. Atap aıtar bolsaq, jas jetkinshekter arasynda 8 sportshy qatystyrylmaq. Al, jas-jetkinshek qyzdar arasynda Nazıra Zııadýlla, Juldyz Narzan jáne Araı Málikter jarys jolyna shyǵady. Jasóspirim uldar arasynda 8 sportshy kúshterin synap kórse, qyzdar arasynda 5 qyz myqtylyqtaryn tanytpaq. Jastar arasynda Nurmahan Erdaýlet, Nurgeldi Baqdaýlet, Sarybaı Erdaýlet, Kóshkenbek Nurdaýlet, Qarjaý Esbolat syndy jigitter qol kúrestiredi. Al, qyzdar arasynda Lazzat Málikaıdar men Quralaı Abdýlla joldama aldy. Eresekter arasynda 10 jáne múmkindigi shekteýli jandar arasynda 2 sportshy el namysyn qorǵaıtyn bolady.

Avtor Aınur Aqbaeva
Basty sózder: Túrkistan oblysy, Sport,
Joǵary qaraı