Aýa raıy
Astana 19 °S
Almaty 18 °S
valıýta baǵamy
USD 386.34
EUR 427.25
RUB 5.88
CNY 54.57

Shekara qyzmetiniń ofıtseri abaısyzda granatany túsirip alǵan sarbazdy qutqaryp qaldy

2019 jyldyń 20 maýsym 2019 09:17 5365

 TALDYQORǴAN. QazAqparat - Keshe shekara qyzmetine qarasty 2027 áskerı bóliminde polkovnık Sergeı Smıtskıh taıaýda ǵana ásker qataryna alynǵan sarbazdy qutqaryp qaldy, dep habarlaıdy QazAqparat vedomstvonyń baspasóz qyzmetine silteme jasap.

Keshe Almaty oblysynda ornalasqan 2027 áskerı bóliminde jas sarbazdar «Urystyq qol granatasyn okoptan, bir orynnan laqtyrý» taqyryby boıynsha sabaq ótip jatqan. Bul - joǵary jaýapkershilik pen basshylar tarapynan qyraǵylyqty talap etetin jattyǵý. Óıtkeni laqtyrylatyn nárse kúndelikti jattyǵýdaǵydaı granatanyń mýlıajy emes, ózi. «Qarý, ásirese granata qatelikti keshirmeıdi» deıdi mamandar. 

«Sarbazdar aldyn ala muqııat úıretilip, avtomatızmge deıin jetkizilgen is-qımyldardy kezegimen oryndap jatqan bolatyn. Alaıda, bir sarbaz sasqalaqtap, qolyndaǵy shyǵyrshyǵyn sýyryp qoıǵan granatasyn aıaǵynyń astyna túsirip alǵan. Osyny baıqap úlgergen sabaq jetekshisi, 2027 áskerı bólimi komandıriniń tárbıe jónindegi orynbasary, polkovnık Sergeı  Smıtskıh kóz ilespes jyldamdyqpen okop túbindegi granatany ilip alyp, qaýipsiz jerge laqtyryp jiberdi. Al ózi sarbazdy jerge qulatyp, búkil denesimen ony jaba, ústine qulaǵan. Jarylǵan granatanyń jaryqshaqtary okopqa deıin jetip, polkovnık eki aıaǵynan jáne eki qolynyń syrtynan, sarbaz eki aıaǵy men sol jaq jaýyrynynan jaraqat aldy. Tájirıbeli tálimger, polkovnık Sergeı Smıtskıhtiń salqynqandylyǵy men shapshańdyǵy bolmaǵanda, oqıǵa saldaryn kózge elestetýdiń ózi qıyn bolar edi» delingen habarlamada.

Áskerı dáriger alǵashqy dárigerlik kómek kórsetkennen keıin jaralanǵan polkovnık men sarbaz Іle aýdany Ótegen Batyr kentiniń ortalyq aýdandyq aýrýhanasyna jetkizilip, ári qaraı Almaty qalasyndaǵy UQK ortalyq áskerı gospıtaline jóneltildi. Qazirgi ýaqytta ekeýiniń de jaǵdaıy birqalypty.  

 

 

 

 

Joǵary qaraı