Aýa raıy
Astana 10 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Shekaradaǵy oqıǵa: Qyrǵyzstan men Tájikstan qosymsha kúshterdi qaıtaratyn boldy

2019 jyldyń 19 qyrkúıek 2019 12:52

BІShKEK. KABAR - QazAqparat – Qyrǵyzstannyń Memlekettik shekara qyzmetiniń tóraǵasy Ýlarbek Sharsheev 17 qyrkúıekte shekarada bolǵan oqıǵa boıynsha Tájikstanmen júrgizilgen kelissózderdiń qorytyndysy týraly aıtty, dep habarlaıdy QazAqparat «Kabar» agenttigine silteme jasap.

Sharsheev kelissózderdiń kúrdeli ótkenin, biraq birlesken nátıjege qol jetkizilgenin atap ótti.

«Kelissózder kúrdeli ótti. Biraq, biz shıeleniske deıin, ıaǵnı 14 qyrkúıekte bolǵan jaǵdaıǵa qaıta kelý týraly sheshim qabyldadyq jáne barlyq qosymsha kúshter men qurylymdardy olardyń turaqty ornalasý pýnktterine qaıta jiberetin boldyq. Shekarany shtattyq qurylymdar kúzetedi. Sondaı-aq, ishki ister organdary Tájikstandaǵy Kalarcha eldi mekeni men Qyrǵyzstandaǵy Maksat eldi mekenin shıelenisterge jol bermeý maqsatynda birlesip patrýldeý týraly kelisimge keldi», - dedi ol.

Budan bólek, Qyrǵyzstan Shekara qyzmetiniń basshysy oqty birinshi bolyp qaı tarap atqanyn áskerı prokýratýra men ishki ister organdary, sarapshylar anyqtap jatqanyn aıtty.

Ýlarbek Sharsheevtyń aıtýynsha, Tájikstan tarapy shekara beketiniń qurylysyn kelisilmegen ýchaskede júzege asyrǵan.

«Meniń tikeleı ókilim, birinshi orynbasarym sol jerde qaldy, olar kúshter men qurylymdardyń alyp ketýin baqylaıdy», - dep túıindedi ol.

Eske salaıyq, 16 qyrkúıekte Qyrǵyzstan-Tájikstan memlekettik shekara ýchaskesinde atys bolǵan edi.


Basty sózder: Álem,
Joǵary qaraı