Aýa raıy
Astana 17 °S
Almaty 21 °S
valıýta baǵamy
USD 384.39
EUR 431.71
RUB 6.11
CNY 55.88

Sheteldegi qazaqtardy memlekettik qoldaý jobasy ázirlendi

2019 jyldyń 19 maýsym 2019 18:46 1453

NUR-SULTAN. QazAqparat - «Otandastar qory» qory janynda Ǵylymı-saraptamalyq keńes qurylyp, onyń alǵashqy otyrysy ótti, dep habarlaıdy QazAqparat tilshisi.

Aıta keteıik, Elbasynyń shettegi jáne elge kóship keletin aǵaıyndy jan-jaqty qoldaý jáne kómek berýdiń sharalaryn júzege asyrý tapsyrmasyn oryndaý maqsatynda atalǵan keńes quryldy.

«Keńestiń kún tártibine sáıkes, «Otandastar qory» tarapynan daıyndalǵan «Qazaq dıasporasyn memlekettik qoldaý týraly» zań jobasynyń tujyrymdamasy sizderge aldyn ala taratylyp berilgen bolatyn. Onyń tujyrymdamasy álemdik tájirıbedegi qazirgi zamanǵy úrdisterge,  jınaqtalǵan tájirıbege jáne qazaq memleketiniń, qoǵamnyń taıaý ári alys bolashaǵy týraly ǵylymı, túbegeıli ıdeıalarǵa negizdelip ázirlengen. Qazaq dıasporasynyń quqyqtyq mártebesin zańnamalyq retteýdiń qajettiligi shetelde turatyn etnıkalyq qazaqtarǵa qoldaý kórsetý máselelerin retteıtin biryńǵaı arnaıy quqyqtyq aktiniń joqtyǵynan týyndap otyrǵany bárimizge málim», - dedi keńes tóraǵasy, Parlament Májilisiniń depýtaty Nurlan Dýlatbekov.


null 

Óz kezeginde «Otandastar qorynyń»  vıtse-prezıdenti Maǵaýııa Sarbasov «Qazaq dıasporasyn memlekettik qoldaý týraly» zań jobasy tujyrymdama nusqasynyń basty ıdeıasyn túsindirdi.

«Zań jobasynyń maqsaty - shetelde turatyn qazaq dıasporasyn memlekettik qoldaý boıynsha qoǵamdyq qatynastardy retteıtin quqyqtyq bazasyn qalyptastyrý. Dúnıejúzi qazaqtar qaýymdastyǵynyń málimetine súıensek, 44 elde 5 mıllıonnan astam qazaq ókilderi turady eken»,  - dedi ol.

M. Sarbasovtyń sózine qaraǵanda, atalǵan zań jobasy qandastar máselelerin sheshýde tıimdi qujatqa aınalady. Qujat aıasynda «Qazaq kartasy», ıaǵnı tulǵanyń qazaq halqynyń ókili retinde rastaıtyn qujatty engizý kózdelgen. Qazaq kartasy qazaq tilin jáne salt-dástúriniń saqtalýy men damýyna, sondaı-aq bizdiń elge etnıkalyq qazaqtardyń qonys aýdarýyna septigin tıgizedi degen senim bar.

Onyń atap ótýinshe, zań jobasynyń tujyrymdamasynda qazaq dıasporasyn keshendi túrde memlettik qoldaý, sondaı-aq qandastardy qoldaýdyń negizgi kepildikterin zań júzinde bekitý eskerilgen.


null  

Munymen qosa, qazaq dıasporasymen ekonomıkalyq jáne mádenı-gýmanıtarlyq baılanystardy ornatýǵa jaǵdaı jasaý, qandastardy aqparattyq qoldaýdy damytý, shetelde turatyn qazaqtardyń elimizdiń oqý oryndarynda bilim alýyna daıyndaý úshin jaǵdaı jasaý sharalary qamtylǵan. 

 

 

Avtor Rýslan Ǵabbasov
Basty sózder: Qoǵam, Qandastar,
Joǵary qaraı