Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Sheteldik jumyc kúshin zańsyz paıdalanǵan 21 adam jazalandy – Qostanaı oblysy

2019 jyldyń 17 qyrkúıek 2019 02:47

QOSTANAI. QazAqparat – Qostanaı oblysynda QR zańnamasyn buzǵan 468 shetel azamaty ákimshilik jaýapkershilikke tartyldy, dep habarlaıdy QazAqparat oblystyq PD baspasóz qyzmetine silteme jasap.

Qostanaı oblysynda «Zańsyz-mıgrant-arna» jedel-aldyn alý is-sharasy ótkizildi. Operatsııanyń maqsaty – Qostanaı oblysy aýmaǵynda zańsyz kóshi-qonǵa baılanysty quqyqqa qarsy áreketterdi anyqtaý, jolyn kesý.

«Kóshi-qon qyzmetiniń polıtseıleri 4 kún ishinde QR aýmaǵynda bolý erejelerin buzǵany úshin 468 sheteldikti ákimshilik jaýapkershilikke tartty. Sot sheshimi boıynsha 21 shetel azamaty elden shyǵaryldy. ÁQtK 518-baby boıynsha (sheteldikterdi qabyldaıtyn jeke nemese zańdy tulǵalardyń halyqtyń kóshi-qony salasyndaǵy QR zańnamasyn buzýy) 89 QR azamaty jazalandy», - delingen vedomstvonyń baspasóz habarlamasynda.

Sonymen qatar, sheteldik jumys kúshin zańsyz tartý jáne paıdalaný úshin 21 adam ákimshilik jaýapkershilikke tartyldy. 136 sheteldikke qatysty elde bolý merzimin qysqartý protsedýrasy qoldanyldy, qabyldaý-taratý ornyna 7 adam jetkizildi. Jedel-profılaktıkalyq is-sharasy barysynda izdeýde júrgen 33 jastaǵy qylmysker ustaldy.


Joǵary qaraı