Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Short-trek: Abzal Ájiǵalıev Reseı Federatsııasynyń kýboginde chempıon atandy

2019 jyldyń 14 qyrkúıek 2019 23:36

NUR-SULTAN. QazAqparat - Reseıdiń Kolomna qalasynda ótip jatqan short-trekten Reseı Federatsııasynyń ashyq kýboginde qazaqstandyq sportshy Abzal Ájiǵalıev chempıon atandy, dep habarlaıdy QazAqparat tilshisi.

Bul týraly QazAqparat tilshisine short-trekten quramanyń bas bapkeri Mádiǵalı Qarsybekov málim etti.

«Búgin Reseıdiń Kolomna qalasynda ótip jatqan short-trekten Reseı Federatsııasynyń ashyq kýboginiń alǵashqy kúni qorjynymyz qos medalmen tolyqty. Onyń biri altyn medal bolsa, ekinshisi kúmis júlde. 500 metr qashyqtyqta Abzal Ájiǵalıev chempıon boldy. Al kúmisti Denıs Nıkısha jeńip aldy», - dep atap ótti Qarsybekov.

Sondaı-aq, atalǵan jarysqa Qazaqstan quramasynan kimderdiń qatysyp jatqanyn da atap ótti.

«Jarysqa erlerden Abzal Ájiǵalıev, Nurbergen Jumaǵazıev, Denıs Nıkısha, Erkebulan Shamuhaev, Ádil Ǵalıahmetov bastaǵan sportshylardy alyp kelsek, qyzdar arasynan Álııa Kım men Anastasııa Krestovadan basqa qurama músheleri tolyq qatysady. Jalpy jarysqa 22 sportshyny alyp keldik. Bul jarys biz úshin osy maýsymdaǵy alǵashqy báseke. Osy jarystan keıin qytaıdyń shanhaı qalasynda ótetin »Shanghai trphy« týrnırinde erler arasyndaǵy estafetada baq synaımyz. 1-10 qarasha aralyǵynda álem kýbogi kezeńderinde synǵa túsetin bolamyz. Bul jarys aldaǵy úlken jarystarǵa daıyndyq»,— dedi bapker.

Aıta keteıik, Reseıdegi kýboktik dodaǵa Qazaqstan, Latvııa, Nıderland, AQSh jáne Reseı sportshylary qatysyp jatyr.

Avtor Kúnsultan Otarbaı
Basty sózder: Reseı, Sport,
Joǵary qaraı