Aýa raıy
Astana 9 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Shý alqabynda qarasora ósiretinderdi ustaý úshin áýe tehnıkasy qoldanylmaq

2019 jyldyń 25 mamyr 2019 18:49

TARAZ. QazAqparat - Jambyl oblystyq polıtsııa departamenti «Kóknár-2019» operatsııasyna daıyndalyp jatyr, dep habarlaıdy QazAqparat vedomstvonyń baspasóz qyzmetine silteme jasap.

«Esirtkige qarsy kúres - Jambyl óńiri úshin asa ózekti, sebebi oblysymyzda 140 myń gektar aýmaqty alyp jatqan ataqty Shý alqaby bar. Jyl saıynǵy «Kóknár-2019» operatsııasy quramynda esirtki bar jabaıy ósimdikter qaptap shyǵyp, pisip-jetilgen mezgilde, ıaǵnı maýsymnan qazan aıyna deıin ótkiziledi. Maqsaty - Shýda ósetin qarasorany ósirý protsesin anyqtap, jolyn kesý. Sondaı-aq, operatsııa kezinde Shý alqabyndaǵy esirtkini saqtaý oryndary men áketý kanaldary belgili bolady. Marıhýanany el ishinde jáne shetelge tasymaldaıtyn uıymdasqan qylmystyq toptar anyqtalady», - dep túsindirdi departamenttiń baspasóz qyzmeti.

«Kóknár-2019» operatsııasy 1 maýsymda bastalady. Іs-shara aldynda Jambyl oblysynyń Shý qalasyna Іshki ister mınıstriniń orynbasary, general-maıor Mahambet Ábısatov keldi. Ol jergilikti polıtsııa basshylarymen birge Jambyl oblysy polıtsııa departamentine qarasty «Delta-Alqap» esirtki qylmysyna qarsy is-qımyl óńiralalyq bóliminde boldy. Mınıstrdiń orynbasary jeke qurammen tanysyp, «Delta-Alqaptyń» is-sharany ótkizýge qajetti arnaıy quraldarynyń jáne joǵary ótimdi arnaıy tehnıkasynyń bar-joǵyn tekserdi.




null

«Esirtki qylmysyna qarsy is-qımyldyń tıimdiligin arttyrý jáne esirtkiniń oblystan tysqary shyǵarylýyna jol bermeý maqsatynda operatsııa kezinde zamanaýı tehnıkalyq quraldarmen jabdyqtalǵan mobıldi operatıvti-izdeý toptary qoldanylady, - dep atap ótti Mahambet Ábısatov. - Adam aıaǵy jete bermeıtin shalǵaı eldi mekenderde arnaıy is-sharany ótkizý úshin áýe tehnıkasy paıdalanylady. Qumdy aımaqtardy patrýldeý úshin ótimdiligi joǵary avtokólikter, arnaıy maqsattaǵy bólimsheler men qyzmettik ıtter jumys isteıdi».



null

Sosyn ishki ister mınıstriniń orynbasary respýblıkalyq nusqaýlyq otyrysqa qatysyp, Qazaqstannyń búkil óńirlerindegi esirtki qylmysyna qarsy is-qımyl týraly basqarmalar esebin tyńdady. Kezdesý barysynda máseleler kóterilip, josparlar talqylandy jáne aldaǵy ýaqytqa mindetter belgilendi.



null

Avtor: Galına Skrıpnık

Joǵary qaraı