Aýa raıy
Astana -10 °S
Almaty -1 °S
valıýta baǵamy
USD 388.70
EUR 428.70
RUB 6.08
CNY 55.46

Shý aýdanynyń turǵynynan 4 qap marıhýana tabyldy

2019 jyldyń 17 qazan 2019 06:23

TARAZ. QazAqparat – Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri Shý aýdany Jańajol aýylynyń 40 jastaǵy turǵynynan 56 keliden astam keptirilgen marıhýana tárkiledi, dep habarlaıdy QazAqparat tilshisi.

Kúdikti «Kóknar-2019» jedel-aldyn alý is-sharasyn ótkizý kezinde Shý aýdany Besqatyn ýchaskesiniń aldyndaǵy aımaqta qolǵa túsken. Esirtki ótkizýshi ashrondy (esirtki saqtaý ornyn) qazý kezinde jalpy salmaǵy 56 keli 800 gramm bolatyn «keptirilgen marıhýana» esirtki zaty bar tórt qap tabylǵan. Bul týraly oblystyq polıtsııa departamenti habarlady.

«Ustalǵan azamat kinásin moıyndap, Shý qalasynyń ýaqytsha ustaý ızolıatoryna qamaldy. Qazirgi ýaqytta QR QK 296-baby 4-bóligi boıynsha sotqa deıingi tergeý júrgizilýde. Kannabıstik toptaǵy esirtkini daıyndaýmen jáne shyǵarýmen aınalysatyn adamdardy anyqtaýǵa jáne ustaýǵa baǵyttalǵan »Kóknar-2019« jedel aldyn alý is-sharalary quramynda esirtki bar ósimdikterdiń jetilý kezeńinde joǵary belsendilikpen júrgiziledi»,-deıdi oblystyq polıtsııa departamenti baspasóz qyzmetiniń jetekshisi Gúlsara Muhtarqulova.

Joǵary qaraı