Aýa raıy
Astana 17 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Shyǵys Qazaqstanda Arys balalary jazǵy demalystaryn ótkizýde

2019 jyldyń 19 shilde 2019 19:13 355

ÓSKEMEN. QazAqparat - Bıyl Shyǵys Qazaqstan oblysyndaǵy jazǵy saýyqtyrý lagerlerinde 174 myńnan astam oqýshy demalady, dep habarlaıdy QazAqparat oblys ákiminiń baspasóz qyzmetine silteme jasap.

«Bul oblystaǵy balalardyń 99,7 paıyzyn quraıdy. Onyń ishinde 33 582 (100%) kópbalaly jáne az qamtylǵan otbasylarda tárbıelenip jatqan balalar ekenin atap ótken oryndy.

Búginde oblystaǵy 990 saýyqtyrý jáne mektep aldy lagerleri balalarǵa qyzmet kórsetýde. Osy oraıda bıyl shyǵysqazaqstandyq balalar Arystan kelgen balalarmen qatar demalýda», delingen habarlamada.

10 shildeden bastap óńirge Arystan kelgen 220 bala tynyǵýda. Al 28 shilde men 25 tamyz aralyǵynda taǵy da 80 bala kelip, Shyǵys Qazaqstannyń ásem tabıǵatymen jáne kıeli oryndarymen tanyspaq. Olardy munda qyzyqty baǵdarlama kútip tur. Olar qyzyqty ekskýrsııaǵa baryp, kontserttik jáne tsırk baǵdarlamalaryn tamashalaıdy.



Qazirgi tańda balalar Katonqaraǵaı aýdany, Prımorsk aýylynda ornalasqan «Araıly Shyǵys», Semeıdegi «Qaraǵaıly», Taýly Úlbidegi «Daryn», Glýbokoe aýdanyndaǵy Maloýbınka aýylynda ornalasqan «Tolaǵaı», Úrjar aýdany, Qabanbaı aýylyndaǵy «Úrjaraıym», Ulan aýdany, tómengi Taıynty aýylyndaǵy «Bolashaq» lagerlerinde demalýda.




Árbir lagerde balalardyń qatysýymen túrli sporttyq jarystar men baıqaýlar, saxnalyq qoıylymda uıymdastyrylýda.

Máselen, Abaıdyń 175 jyldyǵyna oraı óleńdi mánerlep oqý saıysy ótti. Oǵan Arys qalasynan kelgen balalar belsene qatysty. Budan bólek balalar mýzeılerdi aralaıdy. Kınoteatrǵa baryp, Óskemen men Semeıdiń, sondaı-aq aýdan ortalyqtaryndaǵy mádenı demalys oryndaryna baryp, tynyǵady. Ásirese, olar «Jıdebaı Bórili» memorıaldyq mýzeı qoryǵyndaǵy Abaı men Shákárim, sondaı-aq ashyq aspan astynda ornalasqan «Berel qorǵandary» syndy kıeli oryndarǵa baryp, erekshe áser alyp qaıtty.




«Lagerge kelgen 10 kúnniń ishinde biz eki kúnimizdi saıaxattaýǵa arnadyq. Odan esten ketpes áser aldyq. Tańǵy saǵat beste Jıdebaıǵa attandyq. Ondaǵy Abaı mýzeıinen erekshe tańdanyspen oraldyq. Budan soń Eńlik-Kebek eskertkishine bardyq. Sóıtip, qos ǵashyqtyń eskertkishinen mol ǵıbrat aldyq. Keıin Kúshikbaı batyrdyń jerlengen ornyna baryp, úlken áser aldyq», - deıdi Semeıdegi «Qaraǵaıly» lagerinde demalyp jatqan Arys qalasynan kelgen Ahmet Jaısan.

Arys qalasynan kelip, «Daryn» lagerinde demalyp jatqan balalarmen oblys ákiminiń orynbasary Ásem Núsipova kezdesip, jyly lebizin bildirdi. Budan soń oblys ákiminiń orynbasary balalarǵa estelik syılyqtardy tabys etti.

«Bizdiń óńirde Arys qalasynan kelgen balalardy kórgenime qýanyshtymyn. Balalar elimizdegi eń kórikti jerlerdiń biri - Shyǵys Qazaqstandaǵy Katonqaraǵaı, Taýly Úlbi, Taıynty, Qaraǵaıly syndy oryndarda demalýda. Bul jerlerde balalar demalyp qana qoımaı, ártúrli baǵyttaǵy sharalarǵa qatysýda. Qyzyqty tarıhı jerlerge baryp, bilim kókjıekterin keńeıtýde. Búgin qonaqjaı xalqymyzdyń dástúrine baılanysty Arys qalasynan kelgen 300 balaǵa Shyǵys Qazaqstan oblysynyń ákimi Danıal Axmetovtiń atynan sporttyq kıim jıyntyǵyn, sporttyq aıaq kıim tartý etiledi», - dedi Ásem Bekqyzy.



Aıta keteıik, Arystan kelgen balalarǵa shyǵysqazaqstandyq dárigerler tıisti medıtsınalyq kómek túrlerin kórsetti. Olar árbir balanyń densaýlyǵyn tekserdi. Keıin balalarǵa keshendi emdeý sharalaryn júrgizdi. Sondaı-aq balalarmen joǵary bilikti psıxologtar men tálimgerler jumys isteýde.

Basty sózder: Arys, Shyǵys Qazaqstan oblysy,
Joǵary qaraı