Aýa raıy
Astana 17 °S
Almaty 16 °S
valıýta baǵamy
USD 386.34
EUR 427.25
RUB 5.88
CNY 54.57

Shymkentte Ulttyq ulan sarbazdary tapanshamen júrgen azamatty qarýsyzdandyrdy

2019 jyldyń 18 shilde 2019 18:56 313

ShYMKENT. QazAqparat – Keshe, 17 shilde kúni Ulttyq ulannyń Shymkent qalasyndaǵy 6506 áskerı bóliminiń sarbazdary qyraǵylyq tanytty, dep habarlaıdy QazAqparat Ulttyq gvardııanyń baspasóz qyzmetine silteme jasap.

 Sol kúni túnde qoǵamdyq tártipti qadaǵalap júrgen jaýyngerler jol jıeginen 10-15 metr qashyqtyqtan qarýdyń oqtalǵan dybysyn estıdi.

Avtomobıldegi jedel maqsattaǵy batalonǵa qarasty áskerı jasaq jetekshisi efreıtor Qasymbek Arynov, patrýl efreıtor Vladımır Erachın jáne qatardaǵy Maksım Dúısenbaı dereý oqıǵa ornyna jetedi. Belgisiz azamat olarǵa dóreki sóılep, qarýyn kezenip ses kórsetedi. Sarbazdar kóz ilespes shapshańdyqpen kúsh qoldanyp, kúdiktini qarýsyzdandyrady. Oqıǵa ornyna patrýldik top bastyǵy Aqtóre Berikbaı men áskerı jasaqtar kezekshisi kapıtan Qýanyshbek Asqarov ta jyldam jetedi.

Ulandyqtar jaýyngerlik qarýmen zań buzǵan azamatty Eńbekshi aýdanynyń ishki ister departamentine tapsyrdy. Tekseris nátıjesinde kúdiktiden oqtaýly «Makarov» tapanshasy men 7 oq tárkilendi.

Basty sózder: Oqıǵa, Shymkent,
Joǵary qaraı